1 Samuel 16:21 - Bible Ni Thothup

²¹ Me yib David ngak Saul ni nge un ko pigpig ngak. Me yan i par nrib adag Saul daken me tay ni ir e ngi i fek talin e cham rok.

1 Samuel 16:21 Σταυροειδείς Αναφορές

Genesis 41:46

Guyey e duw yangren Josef ko ngiyal’ ni ba’aram ni pigpig ngak Farao, ni pilung nu Egypt. I milekag Josef u lan e nam nu Egypt i yan.

1 Kings 10:8

Rib fel’ wa’athan e pi le’engim, ma rib fel’ wa’athan e pi tapigpig rom ni gubin ngiyal’ ni yad be par rom ngu’ur rung’aged e thin rom nib gonop!

Psalms 118:9

Kabfel’ ni nge pagan’uy ngak SOMOL ko bin ngan toer ngak e pi girdi’ ni tagagiyeg.

Psalms 146:3

Dabi pagan’med ngak e pi tolang ni bogi girdi’; dariy ba girdi’ nrayag ni ayuwegmed.

Psalms 62:9

Girdi’ ni gubin e yad bod ba wuchuth i nifeng pi tolang nge pi sobut’ e ta’reb feni dariy rogorad ngabang. Yira thabthabel nagrad, ma dariy malngirad; yad bba’ud nga ba wuchuth i nifeng.

Proverbs 22:29

Mu dag be’ ngog nma rin’ e maruwel ni bfel’, mu gu dag be ngom ni kabfel’ boch ko tin yo’or e girdi’, ma rabung ni nge un ko sabal ko pilung.

Deuteronomy 1:38

Machane ngam pi’ e athamgil nga laniyan’ e ta’ayuw rom i Joshua ni fare mo’on ni fak Nun, ya ir e ra yan ngalan fare binaw. Ma bayi pow’iy yu Israel ngar tafned fare nam.’

Deuteronomy 10:8

Ngiyal’nem e turguy SOMOL ni pumo’on ko ganong rok Levi e nge milfan fare kahol ko m’ag ngorad, ma ngu’ur pigpiggad ngak ni prist, ma yad e ngu’ur fal’eged wa’athan e girdi’ nga fithingan SOMOL. Pin’ey e ka yad be rin’.

Judges 9:54

Ma aram me gur nge pining be’ nib pagel ni ir e ma fek talin e cham rok nge ga’ar ngak, “Mu girengiy e saydon rom ngam li’eg nggum’. Ya dabnog ni be’ ni bpin e ke li’eg.” Ma aram me kuruf fare pagel e saydon ngak nge for u barba’ rok nge yim’.

1 Samuel 16:22

Ma aram me pi’ Saul e thin nge yan ngak Jesse ni ga’ar, “Gu ba’adag daken David. Mpag nge par u roy ngi i pigpig rog.”

1 Samuel 17:15

ma bayi munmun me sul David nga Bethlehem nge gafaliy e saf rok e chitamngin.

1 Samuel 17:55

Fa’ani guy Saul David nike yan ni ngar chamgow Goliath, me fith Saul ngak Abner ni pilungen e salthaw rok ni ga’ar, “Abner, i mini’ e re pagel nem?” Me fulweg Abner ni ga’ar, “Pilung rog, da gu nang.”

1 Samuel 19:7

Me pining Jonathan David nge weliy urngin fapi thin ngak; ma aram me fek David i yan ngak Saul, me par David ngi i pigpig ngak Saul ni bod ni i rin’ ko som’on i yib.