1 Samuel 16:18 - Bible Ni Thothup

¹⁸ Me ga’ar reb e tapigpig rok ngak, “I Jesse, ni be’ ko binaw nu Bethlehem e ba’ ba pagel ni fak nib salap ko musik. Ma ku ir be’ nder ma rus, ma bfel’ ko salthaw, ma be’ nib salap ko welthin, ma ba picho’ay. Mi SOMOL e bay rok.”

1 Samuel 16:18 Σταυροειδείς Αναφορές

Genesis 39:2

Ma bay SOMOL rok Josef, me ayuweg nge par nib yal’uw urngin nga puluwon. Mi i par u tabinaw rok e masta rok ni be’ u Egypt.

Genesis 39:23

Ma fa’anem nib milfan e kalbus ngak e yan i par ndakuriy fan ni ngi i guy e pin’en nike pag fan ngak Josef, ni bochan e bay SOMOL rok Josef, ni be ayuweg Josef be fel’ urngin ban’en ni be ngongliy.

2 Samuel 14:20

Machane ke rin’ ni bochan e nge yal’uweg e re pa’ i oloboch ney. Gure en Pilung e gab gonop ni bod e engel rok Got ma gamnang urngin e tin be buch.”

2 Samuel 17:10

Ma aram e mus ngak e pi salthaw ndarir rusgad ni bod rogon e pi layon nder ma rus, e ra yib e marus ngorad, ya gubin e girdi’ nu Israel ni yad manang ni chitamam e ba salthaw nib sorok, ma salthaw rok e yad ba falu’ ko mael.

2 Samuel 17:8

Ga manang ni David ni chitamam nge tin ke un ngak e girdi’ e yad ba falu’ ko mael, yad bod feni damumuw ba gamanman ni bear ni bay u magerger ni kan leag pifak rok. Chitamam e be’ nike n’uw nap’an ni i un ko mael, ere ra nep’ ma dabi par rok e tin ke un ngak e salthaw.

Proverbs 12:8

Fa’anra ga ba tamilngan’, ma yira pining e sorok ngom; ma fa’anra ga ba pinat, mra changar e girdi’ ngom nga but’.

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

1 Samuel 10:7

Fa’anra yan i yodorom ma ngam rin’ e tin bayi pow’iyem Got ngay ni ngam rin’.

1 Samuel 16:12

Me pi’ Jesse e thin nge yan ngak. Ir ba pagel nib picho’ay ma ba fel’fel’ rogon, ma bfel’ e tir u marwan. Me ga’ar SOMOL ngak Samuel, “Ireyer fa’anem, mu gapgepnag!”

1 Samuel 16:17

Me ga’ar Saul ngorad, “Mu gayed be’ nib mo’on ni ba salap i chubeg e harp ngam feked i yib ngog.”

1 Samuel 16:19

Ere l’oeg Saul e pi mol’og rok ngak Jesse ni be ga’ar, “Mpi’ fare pagel ni fakam i David nge yib ngog, ni fa’anem nma ayuweg e saf.”

1 Samuel 17:12

David e ba pagel ni fak Jesse, nib Efrath ni be’ ko fare binaw nu Bethlehem u Judah. Mi Jesse e meruk e pagel ni fak, ma ngiyal’ ni ba’aram ni pilung Saul e ke pilibthir Jesse.

1 Samuel 3:19

Me ilal Samuel, ni bay SOMOL rok, me gagiyegnag nge yib i m’ug nib rriyul’ urngin e tin yog Samuel.