1 Samuel 16:12 - Bible Ni Thothup

¹² Me pi’ Jesse e thin nge yan ngak. Ir ba pagel nib picho’ay ma ba fel’fel’ rogon, ma bfel’ e tir u marwan. Me ga’ar SOMOL ngak Samuel, “Ireyer fa’anem, mu gapgepnag!”

1 Samuel 16:12 Σταυροειδείς Αναφορές

Genesis 39:6

Potifar e pag fan urngin ban’en rok ngak Josef, ndakuriy ban’en ni tel ni de pagfan ngak, me par ni kemus ni ggan ni nge kay e ir e ka be un i leamnag. Mi Josef e bfel’ rarogon ni girdi’ ma ba picho’ay.

2 Samuel 23:1

I David nib mo’on ni fak Jesse e ireram fare mo’on ni Got e gagiyegnag nge yan i par nib gilbuguwan, ma fare Got rok Jakob e ir e turguy David ni nge mang pilung, me ir e i tunguy fapi tang rok piyu Israel. Ba’aray e tin tomur e thin ni yog David ni ga’ar:

2 Samuel 7:8

“Ere mog ngak e tapigpig rog i David, ni SOMOL ni Gubin ma Rayag Rok e be ga’ar ngak, ‘Ga be gafaliy e saf u daken e yungi ted i yan mu gu fekem nggu tem ni gur e ngu’um gagiyegnag piyu Israel ni girdi’ rog.

1 Kings 1:34

mu rom e nge gapgepnag Zadok nge Nathan lolugen Solomon riy ni aram e ke mang pilung nu Israel. Mi gimed thoy e yabul ngam tolulgad ni nge lungumed, ‘Solomon ni Pilung e nge par nib n’uw nap’an!’

Psalms 2:2

Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Psalms 78:70

I mel’eg David ni tapigpig rok; me yan i fek u rom ko chumol ko gamanman,

Exodus 2:2

Me diyen nge gargel ni bochi pagel. Ma fa’ani guy e re pin nem nrib fel’ usun fare tir, me mithag ni dalip e pul.

Tang Ko Pitang 5:10

En gamareg e ba pichoay ma ba gel; yigo’ ir u fithik’ ragag e biyu’.

Lamentations 4:7

Pi tayugang’ romad e yad ba machalbog ko ayis ma yad ba wech ko milik; downgirad e ba famsow nib t’obt’ob nib gal ra’en.

Zekariah 4:14

Ma aram me ga’ar, “Irera’ fagali pumo’on nike mel’eg row Got ke gapgep nagrow ni ngar pigpiggow ngak, fare SOMOL ko polo’ e fayleng.”

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Acts 7:20

Ireram e re ngiyal’ i n’en nni gargelnag Moses riy, ma bochi madaway nib folunt. Min chuguluy u tafen ndalip e pul,

Hebrews 11:23

Michan’ rok e gallibthir rok Moses ngak Got e ir e pow’iyrow ngar mithegew Moses ndalip e pul ko ngiyal’ nni gargeleg riy. Ya ra guyew ni ir bochi tir ni ba flont, ma dar tamdaggow ni nge dab ra folgow ko tin keyog e pilung.

1 Samuel 16:18

Me ga’ar reb e tapigpig rok ngak, “I Jesse, ni be’ ko binaw nu Bethlehem e ba’ ba pagel ni fak nib salap ko musik. Ma ku ir be’ nder ma rus, ma bfel’ ko salthaw, ma be’ nib salap ko welthin, ma ba picho’ay. Mi SOMOL e bay rok.”

1 Samuel 17:42

fini guy David ni bfel’ rogon, me minmin u wan’ ya kemus ni bochi pagel ni bfel’ ya’an ni girdi’.

1 Samuel 17:55

Fa’ani guy Saul David nike yan ni ngar chamgow Goliath, me fith Saul ngak Abner ni pilungen e salthaw rok ni ga’ar, “Abner, i mini’ e re pagel nem?” Me fulweg Abner ni ga’ar, “Pilung rog, da gu nang.”

1 Samuel 9:17

Fa’ani guy Samuel Saul me ga’ar SOMOL ngak, “Irera’ fare mo’on ni gu weliy murung’agen ngom. Ir e bayi gagiyegnag e girdi’ rog.”