1 Samuel 15:20 - Bible Ni Thothup

²⁰ Me ga’ar Saul, “Kug fol ko tin ni yog SOMOL ngog. Gu wan nrogon ni yog ngog, kug kol Agag ni Pilung kug fek i yib, ma kug li’ urngin e pi Amalek karm’ad.

1 Samuel 15:20 Σταυροειδείς Αναφορές

BABYOR NI JOB 33:9

“De buch e rog; dariy ban’en nib kireb ni ku gu rin’. I gag e fel’ e rog ma dariy e denen rog.

BABYOR NI JOB 34:5

I Job e be yog ni ir e bfel’ e rok, ma Got e ke fek rok mat’wun.

BABYOR NI JOB 40:8

Mog, ga be guy rogon ni nge m’ug ni gu ba kireb me par ni gur e ga ba manigil?

Matthew 19:20

Me fulweg fare mo’on ni kab pagel ni ga’ar, “Gu be fol ko pi motochiyel nir ni urngin. Ere mang e n’en ni kabay nthingar gu rin’?”

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

Luke 18:11

Me sak’iy fare Farise ngalang nge meybil rok ni ga’ar, ‘Gu be pining e magaer ngom, i gur Got, ni bochan e gathi gag be’ ni gub chogow, fa gu ma ban, ara gu ma darngal, ni bod nma rin’ yugu boch e girdi’; gu be pining e magaer ngom ni bochan e gathi gu bod e re tamukun tax nem.

Roma 10:3

Ya dar nanged e re kanawo’ ni ir e ma mat’awnag Got e girdi’ riy ngak, ma kar guyed rogon ni ngar ngongliyed e birorad e kanawo’; ma aram e dar pi’ed yad ko birok’ Got e kanawo’ ni ir e ma mat’awnag Got e girdi’ riy ngak.

1 Samuel 15:13

Me yan Samuel ngak Saul, me ga’ar Saul ngak, “Samuel, i SOMOL e ngi i tow’ath nagem! Kug fol ko tin ni yog ngog ni nggu rin’.”

1 Samuel 15:3

Mman ngam og ngak e pi Amalek, ngam kirebnag urngin ban’en ni bay rorad. Dariy ta’ ban’en ni ngam pag; mu thang e pogofan rok urngin e pumo’on, nge ppin, nge bitir, nge bitir ni kab ran, nge garbaw, nge saf, nge kamel, nge dongki.”

1 Samuel 15:8

me fek Agag ni Pilung ko pi Amalek nde li’ ngem’, me li’ urngin e girdi’.

1 Samuel 28:18

Da mfol ko tin ni yog SOMOL ngom ni ngam rin’, ya da mu thang e fan rok e pi Amalek ni gubin nge gamanman rorad. Aram fan nike yodoro’ nigem SOMOL e chiney.