1 Samuel 15:17 - Bible Ni Thothup

¹⁷ Me fulweg Samuel ngak ni ga’ar, “Yugu er rogon ni ga be leamnag ndariy rogom, ya gur e pilung ko pi ganong nu Israel. I SOMOL e ke gapgep nagem ni gur e pilung nu Israel,

1 Samuel 15:17 Σταυροειδείς Αναφορές

Hosea 13:1

Kakrom e ra non fare ganong rok Efraim me rus urngin e ganong nu Israel, ya yad ma tayfan fare ganong rok Efraim. Machane miyad denen ni bochan e ur tedfan Baal, ma aram fan ni bay ram’ad.

Matthew 18:4

En nra yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney.

Judges 6:15

Me fulweg ni ga’ar, “SOMOL, uw rogon ni nggu ayuweg piyu Israel? Ya fare ke girdi’ rog e ir e th’abi me’waer u fithik’ girdi’en e ganong rok Manasseh, mi gag e th’abi sobut’ u fithik’ e girdi’ ko birog e tabinaw.”

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

1 Samuel 10:22

miyad fith ngak SOMOL ni lungurad, “Gur bay yugu be’ nga bang ni aram e cha’ ni ir?” Me fulweg SOMOL ni ga’ar, “Ba’aram Saul ni be mith u fon e chugum.”

1 Samuel 15:16

Me ga’ar Samuel, “Mu tal, nggu weliy ngom e tin keyog SOMOL ngog fowngan.” Me ga’ar Saul, “Mu weliy ngog.”

1 Samuel 9:21

Me ga’ar Saul, “I gag be’ ko ganong rok Benjamin ni fare ganong ni ir e th’abi achig u Israel, ma tabinaw rog e th’abi sobut’ ko biney e ganong. Ere mang ni ga be non ngog ni er rogon?”