1 Samuel 14:5 - Bible Ni Thothup

⁵ Reb e bay nga ba’ ni lel’och ko re kanawo’ nem, ni ba sap nga Mikmash, ma reb e bay nga ba’ ni yimuch, ni ba sap nga Geba.

1 Samuel 14:5 Σταυροειδείς Αναφορές

1 Kronicles 3:6

Miki immoy mereb e pagel ni ku fak: Ibhar, Elishua, Elpelet,

Isaiah 10:28

Meb e salthaw ni to’ogor rorad ngar koled e binaw nu Ai. Ranod u lan yu Migron, miyad cha’riy e chugom rorod u Mikmash!

Isaiah 10:29

Ra thumurgad ko fare wo’ ni wa’ich’ich miyad toffan reb e nep’ u Geba. Ma girdi’ nu lan fachi binaw nu Ramah e rrusgad, ma girdi’ nu lan e binaw rok i Saul ni Pilung u Gibeah e ra milgad.

1 Samuel 13:11

Me ga’ar Samuel, “Mang e kam rin’?” Me fulweg Saul ni ga’ar, “Kug guy e girdi’ ni yad be yan ni aram e kar paged gag, ma dawor mub ni bod ni mog ni ga ra rin’, ma ke mu’ulung e pi Filistine nga Mikmash.

1 Samuel 13:2

me mel’eg 3,000 e pumo’on nu Israel, me tay 2,000 rok u Mikmash ngu bang i n’en ni go’ burey u lan yu Bethel, me pi 1,000 nge un ngak Jonathan nib pagel ni fak nga Gibeah, u lan e nug ko ganong rok Benjamin. Tin ni magach e pumo’on e l’ograd Saul ngar sulod nga tabnaw.

1 Samuel 13:23

Pi Filistine e ra l’oged baraba’ i salthaw ni ngar matanagiyed e kanawo’ u Mikmash.

1 Samuel 13:3

Me li’ Jonathan pilungen e salthaw rok e pi Filistine u lan yu Geba, me rung’ag e pi Filistine murung’agen. Me pi’ Saul e pi mol’og ni ngan thoy e yabul u lan e re nam nem ni ga’ngin, ni aram e yi be pining e pi Hebrew ni ngan mael.

1 Samuel 14:31

Rofen nem e gel piyu Israel ngak e pi Filistine u Mikmash ngar mada’gad nga Aijalon. Ma dakuriy gelngin piyu Israel ni bochan e bilig,

1 Samuel 14:4

Mre kanawo’ ni ba’aram ni nge yan Jonathan i th’ab nge yan ko gin be par e pi Filistine riy e bay l’agruw i war ni gang’ riy nib madodongol, nra reb ma bay nga baraba’ e re kanawo’ nem, fithingan reb e Bozez ma reb e Seneh.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”