1 Samuel 14:3 - Bible Ni Thothup

³ Ma Ahijah nib mo’on ni fak Ahitub, nib mo’on ni walagen Ikabod, me Ahitub e be’ nib mo’on ni fak Finehas, nib mo’on ni fak Eli, ni i mang prist rok SOMOL u Shiloh, e ke yon’ fare efod nga daken. Ma de nang fapi pumo’on nike yan Jonathan.

1 Samuel 14:3 Σταυροειδείς Αναφορές

1 Samuel 1:3

Urngin e duw nma yan Elkanah u Ramah nga Shiloh ngi i meybil me pi’ e maligach rok ngak SOMOL ni Gubin ma Rayag Rok, ni aram e gin bay fa gal pumo’on ni fak Eli riy, ni aram Hofni nge Finehas, ni yow e prist rok SOMOL.

1 Samuel 14:36

Me ga’ar Saul ngak e salthaw rok, “Ngdarod nga p’ening ngad oggad ngak e pi Filistine u fithik’ e lumor, ngad feked e tin ni bay rorad nge mada’ ko ngiyal’ ni be puf e woch, ma gadad li’rad ni yad gubin ngarm’ad.” Miyad fulweg ngak ni lungurad, “Mu rin’ e tin ga be finey ni ir e bfel’.” Machane me ga’ar fare prist, “Som’on e ngad fithed lanyan’ Got.”

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.

1 Samuel 2:28

Gu mel’eg girdi’en e tabinaw rok u fithik’ urngin e pi ganong nu Israel ni ngar manged prist rog, ni nge mang yad e ur pigpiggad u altar, miyad e ngu’ur urfiyed e incense, mayad e ngu’ur ron’ed nga dakenrad fare mad ni efod u p’eowcheg ni ngar fithed lanin’ug. Mu gu pi’ mat’awrad nike mil suwon reb e f’oth ngorad ko pi maligach ni yibe urfiy u daken e altar.

1 Samuel 22:20

Machane Abiathar, ni reb e pumo’on ni fak Ahimelek, e thay nge mil, nge yan ngak David.

1 Samuel 4:21

Me tunguy Ikabod ngak fachi pagel, ni fan e, “Maluplup’ rok Got e ke chuw u Israel”, ni aram e be yip’ fan fare Kahol ko M’ag ni kan kol, nge yam’ nike tay e chitamngin figirngin nge figirngin.

1 Samuel 4:4

Ma aram miyad pi’ e girdi’ ni mol’og nga Shiloh ngar feked fare Kahol ko M’ag rok SOMOL ni Gubin ma Rayag Rok, nike par nga but’ u tagil’ u daken fa gal kerubim. Ma fa gali pumo’on ni fak Eli, ni aram Hofni nge Finehas, e ra unew ko fare Kahol ko M’ag ngarbow.