1 Samuel 14:17 - Bible Ni Thothup

¹⁷ Me ga’ar Saul ngak e salthaw rok, “Mu theeged e salthaw ngam guyed e en nde moy.” Miyad rin’ ma aram miyad pir’eg ni Jonathan nge fare pagel nma fek talin e cham rok e dar moyew.

1 Samuel 14:17 Σταυροειδείς Αναφορές

Judges 9:54

Ma aram me gur nge pining be’ nib pagel ni ir e ma fek talin e cham rok nge ga’ar ngak, “Mu girengiy e saydon rom ngam li’eg nggum’. Ya dabnog ni be’ ni bpin e ke li’eg.” Ma aram me kuruf fare pagel e saydon ngak nge for u barba’ rok nge yim’.

1 Samuel 14:16

Pi salthaw rok Saul ni be matanag u Gibeah u lan e nug rok Benjamin e ra guyed ni be mil e pi Filistine ni kar balyanggad.

1 Samuel 14:18

Me ga’ar Saul ngak Ahijah ni prist, “Mfek fare Kahol ko M’ag rok Got i yib ngaray.” (Re ngiyal’ i n’em e yima fek nge m’on mi i lay piyu Israel u tomur.)