1 Samuel 13:9 - Bible Ni Thothup

⁹ me ga’ar Saul ngorad, “Mfeked fapi gamanman i yib ngog nggu urfiy nggu pi’ ni maligach, nge pi maligach ni yima pi’ ni nge gapas thilin Got nge girdi’.” Me urfiy fapi gamanman nge pi’ ni maligach,

1 Samuel 13:9 Σταυροειδείς Αναφορές

2 Samuel 24:25

Ma aram me toy ba altar ku SOMOL me pi’ e pi maligach ni mo’oruf riy nge pi maligach nma gapaseg thilin Got nge girdi’. Me fulweg SOMOL taban e meybil rok, me chuw fare misilpig u lan yu Israel.

1 Kings 3:4

Me yan fare pilung nga Gibeon ni nge pi’ e maligach u rom, ni aram e gin th’abi tolang; ma ka e urfiy bbiyu’ e maligach u rom kafram.

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Proverbs 20:22

Dab mu tay nga lanin’um ni ngam fulweg taban e kireb. Mu pagan’um ngak SOMOL ya ir e ra fal’eg nge fel’.

Proverbs 21:27

I SOMOL e ba fanenikay e ngiyal’ nma pi’ e pi’in kireb e maligach ngak, nri ngiyal’ yad ma pi’ nib kireb fan u wan’rad.

Proverbs 21:3

Mu rin’ e tin bmat’aw mab yal’uw, ma kabfel’ u wan’ SOMOL ko bin ngam fek e maligach i yib ngak.

Isaiah 66:3

“Girdi’ e yad ma rin’ e n’en ni yad ba’adag. Ta’ab rogon u wan’rad ni yad gubin ko kar li’ed ba garbaw ni maligach ara kar maligachgad nga ba girdi’; ara ba saf e rmaligachgad ngay ara ba pilis e kar t’ared k’angan; ara ra pi’ed e grain ara racha’en e babiy; ara ra pi’ed e incense ara rmaybilgad ko liyos. Yad ma felfelan’ u rogon e pi tayfan ney ni yad ma rin’ nrib sonogor.

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

1 Samuel 14:18

Me ga’ar Saul ngak Ahijah ni prist, “Mfek fare Kahol ko M’ag rok Got i yib ngaray.” (Re ngiyal’ i n’em e yima fek nge m’on mi i lay piyu Israel u tomur.)