1 Samuel 13:2 - Bible Ni Thothup

² me mel’eg 3,000 e pumo’on nu Israel, me tay 2,000 rok u Mikmash ngu bang i n’en ni go’ burey u lan yu Bethel, me pi 1,000 nge un ngak Jonathan nib pagel ni fak nga Gibeah, u lan e nug ko ganong rok Benjamin. Tin ni magach e pumo’on e l’ograd Saul ngar sulod nga tabnaw.

1 Samuel 13:2 Σταυροειδείς Αναφορές

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

2 Samuel 21:6

Ere mu pi’ medlip e pumo’on ni owchen Saul ngomad, nggu uchuliyed yad u mit SOMOL u Gibeah, ni fare binaw rok Saul, ni SOMOL e mel’eg ni nge pilung.” Me fulweg fare pilung, ni ga’ar, “Bay gu pi’rad ngomed.”

Nehemiah 11:31

Girdi’en e ganong rok Benjamin ni urpired u Geba, Mikmash, Ai, Bethel nge yuchi binaw nib chugur e ngaram,

Joshua 18:28

Zela, Haelef, Jebus (ara Jerusalem), Gibeah, nge Kiriath Jearim: ragag nge aningeg e binaw u gubin nib mu’un e yuchi binaw nib liyeg e pi binaw ney ngay. Irera’ e re gi but’ nni pi’ ni tafen e pi tabnaw nu lane ganong rok Benjamin.

Joshua 22:6

Ma aram me meybil nagrad Joshua ni nge fel’ wa’athrad me l’ograd ni ngranod, miyad yan nga taferad.

Judges 19:12

Me ga’ar fare masta rok ngak, “Dab darod nga langgin ba binaw ni girdi’ riy e gathi piyu Israel. Bay darod ngad thilyegned ma kagdad be yan buchu’uw magdad mol u Gibeah fu Ramah.”

1 Samuel 10:26

Ma ku er rogon Saul ni sul nga tafen nga Gibeah nike un boch e pumo’on ngak nib gel, ni Got e ke mithmitheg lanin’rad.

1 Samuel 10:5

Ma aram e ngam man ko fare burey rok Got ni bay u lan yu Gibeah, ko gin be par e Filistine riy. Ma bay mmada’nag ba ulung i profet u langan e garog ko binaw ni karbad ko fare altar u daken e burey, ni bay girdi’en e musik nga m’on rorad ni yad be chubeg tatelin e musik ni harp, nge drum, nge ngal, nge lyre. Ma yad be churu’ ma yad be tolul.

1 Samuel 13:1

Ka ba pagel Saul me mang pilung nu Israel, me gagiyegnag yu Israel ni l’agruw e duw.

1 Samuel 13:11

Me ga’ar Samuel, “Mang e kam rin’?” Me fulweg Saul ni ga’ar, “Kug guy e girdi’ ni yad be yan ni aram e kar paged gag, ma dawor mub ni bod ni mog ni ga ra rin’, ma ke mu’ulung e pi Filistine nga Mikmash.

1 Samuel 13:15

Me chuw Samuel u Gilgal nge yan. Me un e tin ke magey e girdi’ ngak Saul, ni aram e nge yan ni nge yan i chag ngak e pi salthaw rok. Miyad yan u Gilgal nga Gibeah ni bay u lan e nug rok Benjamin. Me yan Saul i guy e pi salthaw rok, ni gonap’an e 600 e pumo’on.

1 Samuel 13:16

Me par Saul nge Jonathan ni fak nge salthaw rorow u lan yu Geba, ni bay u lan e nug rok Benjamin; ma pi Filistine e karbad ra pired nga Mikmash.

1 Samuel 13:23

Pi Filistine e ra l’oged baraba’ i salthaw ni ngar matanagiyed e kanawo’ u Mikmash.

1 Samuel 13:5

Me mu’ulung e pi Filistine ni ngar chamgad ngak piyu Israel; ma 30,000 e chariot ni fan ko mael ni bay rorad, ma 6,000 girdi’en e yan u os, nge salthaw ni pire’ ni bod urngin e yan’ ni bay u dap’el’ay. Miyad yan nga Mikmash ni bay ko ngek u Bethaven, mranod ra pired ngaram.

1 Samuel 14:31

Rofen nem e gel piyu Israel ngak e pi Filistine u Mikmash ngar mada’gad nga Aijalon. Ma dakuriy gelngin piyu Israel ni bochan e bilig,

1 Samuel 14:5

Reb e bay nga ba’ ni lel’och ko re kanawo’ nem, ni ba sap nga Mikmash, ma reb e bay nga ba’ ni yimuch, ni ba sap nga Geba.

1 Samuel 14:52

N’umngin nap’an e yafos rok Saul e i par ni be mael ngak e pi Filistine nib elmerin. Yugu ra pir’eg be’ nib mo’on nib gel ma ba falu’ me fek nge mang reb e salthaw rok.

1 Samuel 15:34

Me yan Samuel nga Ramah, me yan Saul ni Pilung nga tafen nga Gibeah.

1 Samuel 24:3

Me yib Saul nga ba yiy nib chugur nga bogi chum ni tafen e saf ni bay u to’oben e kanawo’, me yan nga lan fare yiy ni nge pithig rogon. Ma bay David nge salthaw rok ni kar m’onod kar mithgad ngalan fare yiy.

1 Samuel 26:2

Ka ngiyal’nem me yan Saul nge 3,000 e tin nth’abi cheag ko salthaw rok nu Israel ko ted nu Zif ni yad be changarnag David,

1 Samuel 8:11

Me ga’ar Samuel ngorad, “Pilung romed e ba’aray rogon e tin bayi rin’ ngomed. Bayi fek pifakmed ni pumo’on ngar manged salthaw; ni boch i yad e ngi i yannag e pi chariot, ma boch e ngi i yan u daken e os, ma boch i yad e nge par nga m’on ngu’ur milgad ma be lay e pi chariot rok.