1 Samuel 12:3 - Bible Ni Thothup

³ Ere gub aray. Fa’anra kug ngongliy ban’en nib kireb, me ere mogned e chiney u p’eowchen SOMOL nge fare pilung ni ir e ke duwgiliy. Mogned, kug fek e garbaw ara dongki rok be’? Ka’a gu bannag be’ ara kug gafgownag be’? Ka’a gu fek puluwon e sasaliyab? Fa’anra kug rin’ reb e pin’ey ma nggu pi’ puluwon e tin kug fek.”

1 Samuel 12:3 Σταυροειδείς Αναφορές

2 Samuel 22:22

Kug fol ko motochiyel rok SOMOL; dawor gu togopluw ngak e Got rog.

Nehemiah 5:11

Mu thanged u babyor urngin e malfith rorad ni bay romed — ni salpiy nge grain nge wayin nge gapgep ko olive. Mi gimed sulweg ngorad e chiney e yungi flang rorad nge woldug ni grape, nge taf’i’rad ni gek’iy ni olive, nge naun rorad!”

Psalms 15:5

Yad ma pi’ e salpiy ni lon ni darir yin’ed e win rorad ngay, ma darir feked puluwon e sasalap ni fan e ngar micheged ban’en nib togopluw ngak be’ ni bfel’ e rok. Cha’ nma rin’ e pin’ey e ba muduwgil u but’ ni dariy ban’en nra buch rok.

Exodus 20:17

“Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.”

Exodus 23:8

Dab mu faned puluwon e sasalap, ya puluwon e sasalap ni yima fek e ma ning lan owchey ko tin nib yal’uw, mma kirebnag e tin be nameg e pi’in ni bfel’ e rorad.

Proverbs 15:27

Ga ra guy rogon ni nge yag e win ngom u fithik’ e sasalap, ma aram e oloboch ni nge yib nga tabnaw rom. Dab mu fek puluwon e sasalap me n’uw e yafos rom.

Levitikus 6:4

Fa’anra denen be’ nike bucheg reb e pin’ey, ma dabisiy ni nge fulweg e n’en nike fek ni gathi fen. Ma rofen nni pir’eg nib bbuch e rok ma thangri fulweg labgen ni gubin ngak e en ni fen, miki puthuy rliw’ e pasent ngay.

Numbers 16:15

Mri damumuw Moses me ga’ar ngak SOMOL, “Dab kum fanay e pi maligach ni be pi’ e pi pumo’on ney ngom. Dawor gu bucheg ban’en rok bagyad; mus nga ta’ab dongki ma dawor gu fek rorad.”

Matthew 22:21

Miyad fulweg ni lungurad, “ Emperor nu Roma.” Ma aram me ga’ar Jesus ngorad, “Ere mpi’ed ngak e Emperor e tirok’ ban’en, mi gimed pi’ ngak Got e tirok’ ban’en.”

Luke 19:8

Me sak’iy Zakeus ngalang nge ga’ar ngak Somol, “Somol, mu tiyilim! Bay gu pi’ baley ko tin ni bay rog ban’en ngak e pi’in gafgow; ma fa’anra kug bannag be’ kug fek e tirok’, ma bay gu fulweg ngak ni aningeg yay e ke mun ngay.”

Acts 20:33

Dagur chogownag e silber ara gol ara mad rok be’.

2 Korinth 12:14

Yane’ ni kug fal’eg rogog ni nggub gguymed e ra gub ma ireray e yay nike gaman e dalip ngay — machane gathi bay gog ngomed ni ngam pi’ed ban’en ngog. Ya gimed e gimed ba t’uf rog, ma gathi salpiy romed e ba t’uf rog. Ya gathi bitir e ma leamnag e n’en ni nge yag ngak e gallibthir rorad, ya gallibthir e ma leamnag e n’en ni nge yag ngak e bitir rorad.

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

1 Thessalonika 2:10

Gimed e mich romad, ma ku errogon Got ko re bugithin ni ba’aray: ni pangimed ngomed e pi’in nib mich Got u wun’med e rib fel’, ma bmat’aw ma dariy thibngin.

1 Thessalonika 2:5

Ya ri gimed manang ni gathi gu bad ngomed ni gamad be n’ufmed ngalang ko thin, ara ugogned e thin ni nge dab mu nanged ni gamad be guy rogon ni nggu feked ban’en romed — i Got e manang!

1 Peter 5:2

gimed e ngu’um gafaliyed fare ran’ i saf ni Got e ke pi’ ngomed, ngu’um gafaliyed yad nib m’agan’med ngay nrogon nib m’agan’ Got ngay ni ngam rin’ed, ma gathi ngu’um rin’ed nde m’agan’med ngay. Mu ngongliyed e maruwel romed ni gathi kemus ni bochan e salpiy ni yibe pi’ riy ngomed, machane ngam ngongliyed ni fan e ri gimed ba’adag ni ngam pigpiggad ngak Got.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

1 Samuel 12:4

Me fulweg e girdi’ ni lungurad, “Dawor mu ban nagmad ara mu gafgow nagmad; ma dariy ban’en ni kamfek rok be’.”

1 Samuel 12:5

Me ga’ar Samuel, “I SOMOL nge fare pilung ni ir e ke turguy e yow e kar mangew mich romed e daba’ ni kamogned ndariy ban’en ni kug bucheg.” Miyad fulweg ni lungurad, “I SOMOL e ir e mich rodad.”

1 Samuel 2:35

Bay gu mel’eg ba prist nra yul’yul’ ngog nge rin’ gubin e tin gu ba’adag ni nge rin’. Bay gu pi’ ngak e pi’in owchen, ni gubin ngiyal’ ni bay ur pigpiggad u p’eowchen e re pilung ni gag e kug duwgiliy.

1 Samuel 24:11

Chitamag, mu sap ngabang e mad rom ni ba’aray u pa’ag! Gu th’ab nggu fek machane da gu li’em nga mum’. Re gi mad ney e susun e nge micheg nga lanin’um ndagur finey ni nggu togopluw ngom fa gu thang e fan rom’, yugu aray rogon ni ga be gayeg ni ngam thang e pogofan rog, ndariy ban’en nib kireb ni kug rin’ ngom.

1 Samuel 24:6

me ga’ar ngak e salthaw rok, “I SOMOL e nge ayuwegneg nge dab gu rin’ ban’en ngak e masta rog ni SOMOL e turguy ni nge mang pilung! Thingar dab gu rin’ bochi ban’en ngak, ya ir fare pilung ni SOMOL e ke turguy!”

1 Samuel 24:7

Ma aram me yog David ngak e salthaw rok ndab ra oggad ngak Saul. Me sak’iy Saul, nge chuw u lan fare yiy nge yan.

1 Samuel 26:11

SOMOL e dabun ni ngguy rogon nggu gafgownag e en nike tay ni pilung! Ngad fekew e sarey nge tafen e ran rok, mdarow.”

1 Samuel 26:9

Machane me ga’ar David, “Ri dab mu maad’ad ngak! SOMOL e ra gechignag e en nra rin’ e kireb ngak e re pilung nike turguy.