1 Samuel 12:23 - Bible Ni Thothup

²³ Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

1 Samuel 12:23 Σταυροειδείς Αναφορές

1 Kings 8:36

ma ga motoyil ngorad u tharmiy ngam n’ag fan u wun’um e denen ko pilung nge girdi’ nu Israel; ma ga fil ngorad rogon ni ngu’un par ni yib mat’aw, ma ga pi’ e n’uw nge yib nga daken e nam rom, ni fa’an mpi’ ngak e tirom e girdi’ ni nge par ni taferad ni dariy n’umngin nap’an.

2 Kronicles 6:27

ma SOMOL, mmotoyil ngorad u tharmiy ma ga n’agfan u wun’um e pi denen rok e pi tapigpig rom, ni girdi’ nu Israel, ma ga fil rogon ngorad ngu’ur rin’ed e tin nib mat’aw. SOMOL, ma aram, ma ga pi’ e n’uw nga daken e re nam rom ney, ni ka mu pi’ ngak e girdi’ rom ni ngar tafned.

Psalms 122:6

Mu meybilgad ni nge aw e gapas u Jerusalem ni lungumed, “Manga yigi fel’ rogon e pi’in ga ba t’uf rorad!

Psalms 34:11

Mired, pifakag, ngam telmed ngog, nggu fil ngomed ni ngu’um pired ni bay madgun SOMOL u wun’med.

Psalms 34:12

Mogned, gimed ba’adag ni ngam felfelan’gad ko biney e tamilang? Gimed ba’adag ni nge n’uw nap’an ni gimed bfelfelan’?

Exodus 32:30

Me reb e rran riy me ga’ar Moses ngak piyu Israel, “Kam ngongliyed reb e denen nrib gel e kireb riy. Machane bay gu wan e chiney nga daken e burey ngak SOMOL; ya sana gu ra wenig ngak me n’agfan u wan’ e denen ni kam ngongliyed.”

Proverbs 4:11

Kugfil ngom e gonop nge rogon e par nib yal’uw.

Eklesiastes 12:10

Fare Filosofer e i guy rogon ni nge yog ko thin nib simnguy, machane pi thin ni yoloy e rib riyul’.

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Jeremiah 27:18

Fa’anra rriyul ni yad e profet ni thin rog e kar feked i yib, ma yad ra wenig ngog, ni Gag, fare SOMOL ni Gubin ma Rayag Rok, ni dab gu pag e machaf ni aw u Tempel ngu tafen e pilung ni ngan fek nga Babylon.” (

Jeremiah 42:4

Me lungug, “Kug rung’ag, ere bay gu meybil nagmed ngak SOMOL ni Got rodad, ni bod rogon ni kamogned; ma bay gog urngin e tin keyog SOMOL ndab gu mithag bang riy romed.”

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Acts 12:5

Ere ntay Peter u kalbus, machane girdi’en e galesiya e ra pired ni yad be pi’ e meybil rok ngak Got.

Acts 20:20

Gimed manang ndariy ban’en ni gu tel romed ni gomanga ban’en nra ayuwegmed nnap’an ni gu be machib nagmed ma gu be sukul nagmed u fithik’ e girdi’ ni yo’or ngu lan e tabinaw romed i yan.

Roma 1:9

Got e manang ni tin ni gu be weliy e ba riyul’ — ni ir fare Got ni gu be pigpig ngak u polo’ i lanin’ug ni bochan e gu be machibnag ngak e girdi’ e Thin Ni Bfel’ ni yib rok ni murung’agen Fak. Got e manang ni gubin ngiyal’ ni gu ma unegmed ko meybil rog

1 Korinth 9:16

Dariy mat’wug ni nggu uf ni bochan e gu be machibnag ngak e girdi’ fare Thin Ni Bfel’. Ya bbugithin nike yog Got ngog ni nggu rin’. Fa’an mang e da gu machibnag ngak e girdi’ fare Thin Ni Bfel’ ma ri gu ra gafgow!

Kolose 1:28

Ere gamad be machibnag murung’agen Kristus ngak urngin e girdi’. Gamad be fonownag ma gamad be fil ngak urngin e girdi’ murung’agen nrogon ni gamad manang, ni fan e nge yag ni nge be’ min fek i yib nga p’eowchen Got nike yal’uw ko ta’ab girdi’ ni kar tew Kristus.

Kolose 1:9

Ireray fan ni gubin ngiyal’ ma gamow be pi’ e meybil ni fanmed, ni fa ngiyal’ ni ba’aram ni gu rung’agew murung’agmed riy ke mada’ ko chiney. Gamow ma wenignag ngak Got ni nge tamilangnag lanin’med ngam nanged e tin nib magan’ ngay ni ir e ngam rin’ed, nib cheag urngin e gonop nge tamilangan’ ngay nma pi’ e Kan Nthothup rok.

1 Thessalonika 3:10

Rran nge neap’ ni gamad be wenig ngak u polo’ i lanin’mad ni nge guy rogon nge yag ni gu bad gguyed gimed ma gamad pi’ ngomed e tin nge yag ngomed ko michan’ romed ngak Kristus.

2 Timothy 1:3

Gu ma pining e magaer ngak Got, ni ir e gu be pigpig ngak ma dariy ban’en ni be yog lanin’ug ngog ni kug rin’ nib kireb, ni bod ni i rin’ pi chitamag. Gu be yibilayem ngak Got ma gu be pining e magaer ngak ni bocham nneap’ nge rran.

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”

1 Samuel 8:6

Ma de fel’ u wan’ Samuel e tin karogned ngak ni nge turguy be’ nge par ni pilung rorad; aram me meybil ngak SOMOL,