1 Samuel 12:17 - Bible Ni Thothup

¹⁷ Chiney e ngal’an e yal’, aray rogon fa dangay? Nggu meybil, ma aram e nge pi’ SOMOL e dirra’ nge n’uw. Ma nap’an nra yodorom, ma aram e ngam nanged ni kam ngongliyed reb e denen nrib gel e kireb riy nib togopluw ngak SOMOL ko fa ngiyal’nem ni mogned ngak ni nge pi’ ba pilung ngomed.”

1 Samuel 12:17 Σταυροειδείς Αναφορές

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

Exodus 32:30

Me reb e rran riy me ga’ar Moses ngak piyu Israel, “Kam ngongliyed reb e denen nrib gel e kireb riy. Machane bay gu wan e chiney nga daken e burey ngak SOMOL; ya sana gu ra wenig ngak me n’agfan u wan’ e denen ni kam ngongliyed.”

Proverbs 26:1

De m’ag ngak be’ nib balyang ni ngan tayfan, bod rogon e ayis ni aw u ngilan’ e yal’, ara n’uw ko ngiyal’ ni yima t’ar wom’ngin e woldug.

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Joshua 10:12

Chirofen ni gagiyegnag SOMOL e pumo’on nu Israel ngar gelgad ngak e pi Amorite e non Joshua ngak SOMOL. I non u p’eowchen piyu Israel ni ga’ar, “Yal’, mu tal u daken yu Gibeon; pul, mu tal u puluwon e loway nu Aijalon.”

1 Samuel 12:13

“Ere ba’aray fare pilung ni gimed e mogned ni nge yib ngomed; gimed e mu ninged, ere chiney e ke pi’ SOMOL ngomed.

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”

1 Samuel 7:5

Ma aram me pining Samuel gubin piyu Israel ni ngar mu’ulunggad nga Mizpah, ni be ga’ar ngorad, “U rom e nggu meybil nagmed riy ngak SOMOL.”

1 Samuel 8:6

Ma de fel’ u wan’ Samuel e tin karogned ngak ni nge turguy be’ nge par ni pilung rorad; aram me meybil ngak SOMOL,

1 Samuel 8:7

me ga’ar SOMOL ngak, “Mmotoyil ko tin be yog e girdi’ ngom. Ya gathi gur e kar pi’ed keru’rad ngom; ya Gag e kar pi’ed keru’rad ngog ni nggu par ni pilung rorad.