1 Samuel 11:7 - Bible Ni Thothup

⁷ Me fek l’agruw i garbaw ni pumo’on nge th’eth’abrow ni nochiyang, me pi’ ngak e pi mol’og ngar feked i yan u gubin yang u lan e nam nu Israel ni be lungurad, “En ndabi un ngak Saul nge Samuel ngranod ko mael e irera’ e n’en ni yira rin’ ko garbaw rok!” Me rus piyu Israel ko n’en nrichey me rin’ SOMOL, miyad yib ni yad gubin nike ta’reban’rad.

1 Samuel 11:7 Σταυροειδείς Αναφορές

Genesis 35:5

Ma nap’an ni deg Jakob nge pifak ni ngranod, me yib e marus nib gel ko girdi’ nma par ko yochi binaw nib chuchugur ngaram, mdeyag ni ngar tulfedrad.

2 Kronicles 14:14

Ma aram me yag rorad ni ngar gathayed fapi binaw u lan fa gin nib liyeg yu Gerar, ni bochan e girdi’ nu rom e karrusgad ngak SOMOL. Fa raba’ i salthaw e ra kireb niged gubin fapi binaw miyad fek u fithik’ e yargal bokun ban’en.

2 Kronicles 17:10

Me gagiyegnag SOMOL gubin e pi lung nib liyeg yu Judah ni ngar rusgad ni ngranod ko mael nib togopluw ngak Jehoshafat ni Pilung.

2 Kronicles 19:7

Ere ngi i par madgun SOMOL u lanin’med mi gimed tiyan’med ko tin gimed be rin’, ya SOMOL ni Got rodad e dar ma kadan’ ko n’en nib sasaliyab ma darma lanyan’ ara fanay pulwon e kireb.”

Isaiah 8:13

Dab mpag talin ni Gag fare SOMOL ni Gubin ma Rayag Rok e gub thothup; kemus ni gag e ngam rus ngog.

Judges 19:29

Nap’an ni taw nga tafen, me yan nga naun nge fek bangi yar. Me fek e ldow rok fare bpin rok nge th’eth’ab ni ragag nge l’agruw yang, mra reb fapi ganong nu Israel me pi’ bang nge yan ngay.

Judges 20:1

Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.