1 Samuel 10:3 - Bible Ni Thothup

³ Mi gimew yan u rom ngam marow mmada’gow ko fare ke gek’iy ni oak ni bay u Tabor, mu rom e bay mmada’ nigew dalip i pumo’on riy ni karbad ni ngar pi’ed e maligach ngak Got u Bethel. Bagayad e be fek dalip i kaming ni bitir, ma bagayad e be fek dalip yal’ i flowa ma bagayad e be fek ba tutuw ni keru’ e gamanman ni kan suguy ko wayin.

1 Samuel 10:3 Σταυροειδείς Αναφορές

Genesis 28:19

Me tunguy fithingan e gin’em ni Bethel. (Re binaw nem e immoy fithingan ni Luz ko som’on.)

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

Genesis 35:1

Me ga’ar Got ngak Jakob, “Man nga Bethel ni kachine’, ngam par u rom. Ngam toy ba altar u rom ni fanag, gag fare Got ni gu m’ug ngom u nap’an ni ga be mil rok Esau ni walagem.”

Genesis 35:3

Ngad chuwgad u roy ngdarod nga Bethel, ko gin ni bay gu toy ba altar riy ni fen Got ni ir e ayuwegneg u nap’an ni yib e gafgow ngog me un ngog u gubin yang ni ug wan riy.”

Psalms 89:12

gur e mu tay e lel’och nge yimuch; Burey ni Tabor nge Burey ni Hermon e yow be tang nigem u fithik’ e felfelan’.

Jeremiah 32:8

Ma aram, e rogon ni yog SOMOL e aramrogon, i Hanamel e yib ngog ngaram ngalan e yoror nge yog ngog ni nggu chuw’iy fagi flang. Ma aram, mri gu nang ni SOMOL e ke non ngog.

Levitikus 1:10

Fa’anra nge pi’ facha’ reb e saf fa reb e kaming rok, ma dabisiy nib gamanman ni pumo’on ndariy bang u downgin nib kireb.

Levitikus 23:13

Mi gimed chagiy aningeg e pawn e flour ngay ni kan athkuy e gapgep ko olive ngay nge mang ggan ni maligach. Bon e re maligach ney e ba m’aguwan’ SOMOL. Ma ngkum uneged reb e quart e wayin ngay ngam pi’ed ni maligach.

Levitikus 3:12

Ma fa’anra pi’ be’ ba kaming,

Levitikus 3:6

Fa’anra ba gamanman ni saf fa kaming e fanay be’ ni maligach ni fan e nge gapas thilin Got nge ir, ma demturug ko pumo’on fa bpin fare gamanman, machane ba gamanman ndariy bang u downgin nib kireb.

Levitikus 7:13

Ma ku ra chagiy ko re maligach ney boch e flowa ni lof ni bay e is riy.

Joshua 19:12

Me yan u rom ko ngek u Sarid ko mathil nu Kisloth Tabor, me yan nga Daberath nge forthog nga talang u Jafia.

Joshua 19:22

Ma mathil riy e kub peth nga Tabor, Shahazumah, nge Beth Shemesh, me yan i mus ko Jordan. Ragag nge nel’ u gubin e binaw nib mu’un e yuchi binaw nib liyeg e pi binaw ney ngay.

Judges 20:18

Me yan piyu Israel nga tagil’ e meybil u Bethel, miyad fith Got u rom, “Bin ngan e ganong e nge yan ni mael ngak e Benjamin nsom’on?” Me fulweg SOMOL ni ga’ar, “Fare ganong rok Judah.”

Judges 20:27

Fare Kahol ko M’ag rok Got e immoy u rom u Bethel ko yu rran nem, me Finehas nib mo’on ni Eleazar e chitamngin ma Aron e tutuw rok, e ir e bmilfan fare Kehol ko M’ag ngak. Me fith fapi girdi’ SOMOL ni lungurad, “Nggu warod nggu chamgad ngak e pi walagmad ni yu Benjamin, fa nggu paged?” Me fulweg SOMOL ni ga’ar, “Mu chamgad. Gabul e gu ra pi’rad nga pa’med.”

Judges 4:12

Minog ngak Sisera, ni Barak ni be’ nib mo’on ni fak Abinoam e ke yan nga daken e burey ni Tabor.

Judges 4:6

Reb e rran me mulwoliy Barak ni nge yib, ni be’ nib mo’on ni fak Abinoam nma par u lan e binaw nu Kedesh ni bay u lan yu Naftali, me ga’ar fare pin ngak, “SOMOL ni ir e Got rok piyu Israel, e ke motochiyel ngom ni be ga’ar: ‘Ngam fek 10,000 e pumo’on ko ganong rok Naftali nge Zebulun ngam gafaliyrad ko fare Burey nu Tabor.

Judges 8:18

Me fith ngak Zebah nge Zalmunna ni ga’ar, “Uw rogon ya’an fapi pumo’on ni kam li’ew u Tabor karm’ad?” Miyow fulweg ni lungurow, “Yad bod ya’am. Yad gubin ni yad bod ya’an pifak e pilung.”

1 Samuel 10:4

Bay ra nonod ngom miyad pi’ ngom l’agruw yal’ ko pi flowa nem, yad ra pi’ ngom ma ngam fek.