1 Samuel 10:24 - Bible Ni Thothup

²⁴ Me ga’ar Samuel ngak e girdi’, “Ba’aray fare mo’on ni SOMOL e ke duwgiliy! Dariy be’ u fithik’dad ni bod ir.” Ma urngin e girdi’ nra tolulgad ni be lungurad, “Nge n’uw nap’an ni par e en pilung!”

1 Samuel 10:24 Σταυροειδείς Αναφορές

2 Samuel 16:16

Hushai ni fa’anem nib pagan’ David ngak me ir e fager rok e mada’nag Absalom, me ga’ar, “Nge n’uw nap’an e en pilung! Nge n’uw nap’an e en pilung!”

2 Samuel 21:6

Ere mu pi’ medlip e pumo’on ni owchen Saul ngomad, nggu uchuliyed yad u mit SOMOL u Gibeah, ni fare binaw rok Saul, ni SOMOL e mel’eg ni nge pilung.” Me fulweg fare pilung, ni ga’ar, “Bay gu pi’rad ngomed.”

1 Kings 1:21

Fa’anra dab mu rin’ ban’en ngay, ma yug nap’an e ga ra yim’ mi Solomon ni fakag nge gag e yira taymow ni gowa kug th’abew e motochiyel.”

1 Kings 1:25

Daba’ e pire’ e garbaw nge saf nge pifak e garbaw nib sugsug nike pi’ ni maligach, ma ke pi’ e thin ke yan ngak urngin pifakam ni pumo’on, nge ngak Joab ni pilungen e salthaw rom nge ngak Abiathar ni prist ni ngarbad. Chiney e yad be madnom ma yad be tolul ni be lungurad, ‘Adonijah ni Pilung e nge par nib n’uw nap’an!’

1 Kings 1:34

mu rom e nge gapgepnag Zadok nge Nathan lolugen Solomon riy ni aram e ke mang pilung nu Israel. Mi gimed thoy e yabul ngam tolulgad ni nge lungumed, ‘Solomon ni Pilung e nge par nib n’uw nap’an!’

1 Kings 1:39

Me fek Zadok fare tafen e gapgep ko olive ni fek ko fare Tent u p’eowchen SOMOL me gapgepnag lolugen Solomon. Miyad thoy e yabul, me tolul urngin fapi girdi’ ni lungurad, “Nge n’uw nap’an ni par Solomon ni Pilung!”

2 Kings 11:12

Ma aram me pow’iy Jehoyada i Joash nga wean, me tay fare te’elyaw ko pilung nga daken lolugen, me pi’ bang i babyoren e motochiyel rok e pi’in ma gagiyeg ni pilung. Ma aram min gapgepnag Joash minog ni ir e pilung. Me waywaynag e girdi’ pa’rad mar tolulgad ni be lungurad, “Ngi i par e en ni pilung nib fos nib n’uw nap’an!”

2 Kronicles 23:11

Ma aram me pow’iy Jehoyada i Joash nga wean, me tay fare te’elyaw ko pilung nga lolugen, me pi’ ngak ba kan e babyor ni rogon e pilung ni ngi i par. Ma aram mi ni pilungnag. Jehoyada ni prist nge pifak ni pumo’on e ra gapgep niged Joash, me tolul gubin e girdi’ ni yad be ga’ar, “Nge n’uw nap’an ni ngi i gagiyeg e en pilung!”

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

Deuteronomy 17:15

Dabisiy nre mo’on ni ngam mel’egned ni nge mang pilung e ir e cha nike mel’eg SOMOL. Dab mu ted ba milekag ni nge mang pilung romed; dabisiy ni kabigmed.

1 Samuel 11:15

Ma aram miyad yan nga Gilgal ni yad gubin, mu rom ko fa gin’em nib thothup e rogned riy ni Saul e kemang pilung. Miyad pi’ e pi maligach nma gapaseg thilin Got nge girdi’, me madnomnag Saul nge urngin e girdi’ nu Israel e re bugithin nem.

1 Samuel 12:1

Me ga’ar Samuel ngak e girdi’ nu Israel, “Kug rin’ e tin mogned ngog ni nggu rin’. Kug pi’ ba pilung ngomed ni ngi i gagiyeg nagmed.

1 Samuel 12:13

“Ere ba’aray fare pilung ni gimed e mogned ni nge yib ngomed; gimed e mu ninged, ere chiney e ke pi’ SOMOL ngomed.

1 Samuel 9:2

Ma bay ba pagel ni fak ni Saul fithingan, ni be’ nib picho’ay. Ma reb e de’ nib n’uw rok urngin e girdi’ nu Israel, ma ku er rogon ni ku ba picho’ay rorad.