1 Samuel 10:2 - Bible Ni Thothup

² Nap’an ga ra pageg e daba’ ngam man, ma bay mmada’gow l’agruw i pumo’on u charen e malang rok Rachel ni bay u Zelzah u lan e gin nib mil suwon ngak Benjamin. Ma bay rognew ngom ni fapi dongki ni gimew be gay e ka ni pir’eg, ma chitamam e dakir magafan’ ngorad, i gur e ke magafan’ ngom, ma yugu be fith ni be ga’ar, ‘Mang e nggu rin’ ngak fakag?’

1 Samuel 10:2 Σταυροειδείς Αναφορές

Genesis 35:16

I Jakob nge chon e tabnaw rok ni rchuwgad u Bethel, nap’an ni kayad bay nga orel u Efrath, me taw nga nap’an ni nge gargel Rachel, ma be momaw’ rogon ni nge gargel.

Genesis 48:7

Kug rin’ e re bugithin ney ni bochan e gu sul u Mesopotamia, ni dawor gu taw nga Efrath, me yim’ e chitinam i Rachel, ni aram e ke yim’ u lan e nam nu Kanaan, ri ba ga’ ba kireban’ ni gu tay. Gu k’eyag u rom ni gadad be sor i yan nga Efrath.” (Efrath e aram yu Bethlehem.)

Jeremiah 31:15

Be ga’ar SOMOL, “Ka ni rung’ag ba lam u lan yu Ramah, ni laman e meyor nib gel. I Rachel e be yornag pifak; ndabiyag i fal’eg laniyan’, ni bochan e daki moy pifak.

Joshua 18:28

Zela, Haelef, Jebus (ara Jerusalem), Gibeah, nge Kiriath Jearim: ragag nge aningeg e binaw u gubin nib mu’un e yuchi binaw nib liyeg e pi binaw ney ngay. Irera’ e re gi but’ nni pi’ ni tafen e pi tabnaw nu lane ganong rok Benjamin.

1 Samuel 10:16

Me fulweg Saul ni ga’ar, “I yog ngomow ni ka ni piri’egrad,” machane de weliy ngak e tin keyog Samuel ni murung’agen ni bayi pilung.