1 Samuel 10:12 - Bible Ni Thothup

¹² Ma bay ba pumo’on nma par u rom ni fith ni ga’ar, “Pi profet ney e mini’ e gimed be leamnag ni pi chitamangirad?” Rogon ni tabab e re thin nem ni lunguy, “Gur ke mang Saul reb e profet?”

1 Samuel 10:12 Σταυροειδείς Αναφορές

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

John 6:45

Pi profet e ra yoloyed ni lungurad, ‘Got e bayi machibnag urngin e girdi’.’ Urngin e pi’in nrung’aged e thin ko en ni Chitamangiy me mit e tin nike yog ngorad e bay rabad ngog.

John 7:16

Me fulweg Jesus ni ga’ar, “N’en ni gu be machibnag e gathi gag e yib rog, ya yib rok Got, ni ir e ke l’oegeg ku gub.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

1 Samuel 10:13

Fa’ani mu’ Saul ko churu’ nge tolul, me yan ko fare altar u daken e burey.

1 Samuel 19:23

Ma nap’an ni be sor i yan ngaram miki yib i ying fare gelngin Got ngak, me yan nga Nayoth ni be weliy e yi’iy.

1 Samuel 19:24

I luf wuru’ e mad u daken ngi i weliy e yi’iy u p’eowchen Samuel, me mol ndariy e mad u daken e rofen nem ni polo’, nge re nep’ i n’em ni polo’. (Aram e n’en ni rin’ mi i yog e girdi’ e re bugithin ni ba’aray, “Gur mus ngak Saul nike mang reb e profet?”)