1 Samuel 10:11 - Bible Ni Thothup

¹¹ Ma girdi’ ni yad manang owchen Saul e ra guyed ni be yodorom, miyad fithrad ni lungurad, “Mang e ke rin’ fare mo’on ni fak Kish? Gur ke mang Saul reb e profet?”

1 Samuel 10:11 Σταυροειδείς Αναφορές

Amos 7:14

Me fulweg Amos ni ga’ar, “Gathi gag e mitin be’er e profet nma yi’iy ni ngan pi’ puluwon. Gu ma gafaliy e gamanman ma gu ma ayuweg yungi woldug ni gek’iy ni fig.

Amos 7:15

Me fekeg SOMOL ko maruwel rog ni tagafal saf me yog ngog ni nggu wan ngu’ug weliy e thin rok ngak piyu Israel ni yad girdi’en.

John 7:15

Me ri gin e pi tolang ko Jew ngak, miyad yog ni lungurad, “I di’in me nang e re mo’on ney e pin’ey ni ireray urngin ndawori un nga sukul bi’id?”

Acts 3:10

ma fa’anra poyed ni ir fa’anem ni i par nga but’ u langan e garog ko Tempel ni “Garog ni Bfel’ Yaan” fithingan ngi i man ban’en, ma yad gubin nra gin gad ngak miyad ngat ngak ngarogon nike gol.

Acts 4:13

Me gin girdi’en e re ulung nem ngak Peter nge John ngarogon ndarir rusgow, ma ku ra gin gad ngorow ya ra pir’eged ni yow l’agruw ndariy e sukul rorow. Miyad nang ni yow l’agruw ni’ ni ur unew i yan ngak Jesus.

Acts 9:21

Ma urngin e girdi’ ni rung’ag e n’en ni yog e ra gin gad, miyad fith ni lungurad, “Gathi ireray fare mo’on ni i thang e fan rok e pi’in yad be meybil ma yad be tayfan e re ngachal ney u lan yu Jerusalem? Ma gathi ke yib ngaray ni fan e nge kol e mit i girdi’ nem nge fulwegrad ngak e pi tolang ko prist?”

1 Samuel 19:24

I luf wuru’ e mad u daken ngi i weliy e yi’iy u p’eowchen Samuel, me mol ndariy e mad u daken e rofen nem ni polo’, nge re nep’ i n’em ni polo’. (Aram e n’en ni rin’ mi i yog e girdi’ e re bugithin ni ba’aray, “Gur mus ngak Saul nike mang reb e profet?”)