1 Samuel 1:23 - Bible Ni Thothup

²³ Me fulweg Elkanah ngak ni ga’ar, “Mu rin’ e tin ga be finey ni ir e bfel’, ma ga par u tabinaw nge yan i mada’ ko ngiyal’ nike pag e thuth. I SOMOL e mang e yigi gagiyegnag nge m’ug ni rriyul’ e n’en kam micheg.” Ma aram me par Hannah u tabinaw rok ngi i tathuthnag fare tir rok.

1 Samuel 1:23 Σταυροειδείς Αναφορές

2 Samuel 7:25

“SOMOL ni Got, mu tay nga tagil’ ni gubin ngiyal’ e tin kamog ni murung’ageg nge murung’agen e pi’in owcheg, ma ga rin’ e tin ni kamog ni bay mu rin’.

1 Kings 3:21

Fa’ani kadbul ni gu od ni gu wan ni nggu tathuthnag e bitir rog, mu gu pir’eg nib yam’. Mu gu fal’eg i yaliy mu gguy ni gathi fa birog e bitir.”

Psalms 22:9

I gur e mu gagiyegnag ni nga ni gargel nigeg ni bfel’ rogog, ma nap’an ni ku gub ran ma ga yoror rog nde buch ban’en rog.

Isaiah 44:26

Machane ngiyal’ nra yi’iynag e tapigpig rog ban’en, ma gu ra pi’ e mol’og rog ni nge yog ngak e girdi’ e tin kug leamnag, mu gu gagiyegnag e tin kug leamnag nge tin kug yi’iynag u l’ugun e tapigpig rog nge yib i m’ug nib riyul’. Kugog ngak yu Jerusalem ni bay kun sul nga ni par nga Jerusalem, ma pi binaw nu Judah e bay kun sul nga ni ngongliy rogon bayay. Pi binaw nem e bay gu fulweg nga rogon.

Numbers 30:12

Machane fa’anra siyeg e pumo’on rok ni dabi lebguy e n’en ni ognag ko ngiyal’ nike rung’ag murung’agen, ma rayag ni dabki rin’. Ma SOMOL e ra n’ag fan rok ya pumo’on rok e ke taleg ni dabki rin’ e n’en ni ognag.

Matthew 24:19

Rib gel e gafgow nra tay e pi’in nib diyen, nge pi ppin ni kabran fakrad e ngiyal’nem!

Luke 11:27

Fa’ani mu’ i yog rok Jesus e re bugithin ney, me non be’ ni bpin ngak u fithik’ fapi girdi’ ni aram urngin ni ga’ar, “Kari felan’ e re pin ni ir e gargelnigem mi i duruw’iyem nga thuthun!”

1 Samuel 1:17

Me ga’ar Eli ngak, “Mman u fithik’ e gapas, mang e yigi pi’ fare Got nu Israel e fulweg ko n’en ni ga be ning ngak.”

1 Samuel 14:36

Me ga’ar Saul ngak e salthaw rok, “Ngdarod nga p’ening ngad oggad ngak e pi Filistine u fithik’ e lumor, ngad feked e tin ni bay rorad nge mada’ ko ngiyal’ ni be puf e woch, ma gadad li’rad ni yad gubin ngarm’ad.” Miyad fulweg ngak ni lungurad, “Mu rin’ e tin ga be finey ni ir e bfel’.” Machane me ga’ar fare prist, “Som’on e ngad fithed lanyan’ Got.”

1 Samuel 14:40

Me ga’ar Saul ngorad, “Mu sak’iygad ni gimed gubin, ma gamow sak’iy Jonathan u roy.” Miyad fulweg ngak ni lungurad, “Mu rin’ e tin ga be finey ni ir e bfel’.”