1 Samuel 1:22 - Bible Ni Thothup

²² Machane de un Hannah ko yan. Ya ga’ar ngak figirngin, “Nap’an ni yugu ra pag e re tir ney e thuth mu gu fek ko naun rok SOMOL, ni aram e gin bayi par riy u n’umngin nap’an e yafos rok.”

1 Samuel 1:22 Σταυροειδείς Αναφορές

Psalms 110:4

I SOMOL e kari micheg e re bugithin ni ba’aray, ma dabi thiliyeg. Ke ga’ar, “Bay mmang ba prist ndariy n’umngin nap’an, ni bod rogon Melkizedek ni prist.”

Psalms 23:6

Fel’ngim ngog nge fanag t’uf rom e rib muduwgil ni bayi un ngog u n’umngin nap’an e yafos rog; ma naun rom e bayi mang tabinaw rog u nap’an e yafos rog.

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Exodus 21:6

Ma aram ma nge fek e masta fare sib i yan nga mit Got u tagil’ e meybil. Me sak’iynag nga dow e ren u langan e mab nge kuruf tel. Ma aram e nge sib rok fare masta u n’umngin nap’an e yafos rok.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Levitikus 25:23

Binaw romed e ri dab ni pi’ nchuway’ ni dab kisul bi’id ko en tafen, ni bochan e de milfan ngomed; ya ba milfan ngak Got, ma gimed bod e milekag nike pagmed kam pired riy.

Luke 2:22

Fa’ani taw nga nap’an ni aram e nge ngongliy Josef nge Maria e tin keyog e Motochiyel rok Moses ni ngu’un rin’ mi ni bangbengnag Maria ni aram e ke arow ni yalen ni yima rin’. Ma aram miyow fek fare tin i yan nga Jerusalem ni aram e kan fek i yib nga p’eowchen Somol.

Deuteronomy 16:16

“Urngin e pumo’on u lan e nam romed ma ngarbad ko fa ta’gin’en ni tagil’ e liyor, ngar liyorgad ngak SOMOL ni dalip yay u reb e duw ko Madnom ni Paluk’af, Madnom ko T’ar Wom’ngin e Woldug, nge Madnom ko Nochi Naun. Ra reb e pumo’on ma nge fek ba tow’ath i yib

Joshua 4:7

ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”

1 Samuel 1:11

Me micheg Hannah bbugithin ni ga’ar, “SOMOL ni Gubin ma Rayag Rom, mu sap ngog i gag e tapigpig rom! Mu guy e gafgow ni kug tay ngam leam nigeg! Dab mu pag talig! Fa’an ga ra gagiyegnag nggu diyennag ba pagel, ma gu be micheg ngom ni bay gu pi’ ngom nge mil fan ngom u n’umngin nap’an e yafos rok, ma dariy e ngiyal’ ni yira th’ab piyan lolugen.”

1 Samuel 1:28

Ere nggu pi’ nga pa’ SOMOL. Nge par nib mil suwon ngak SOMOL u n’umngin nap’an e yafos rok.” Ma aram miyad meybil ngak SOMOL u rom.

1 Samuel 13:13

Me fulweg Samuel ni ga’ar, “Ri gab balyang ko binir e pa’ ni kam rin’. Da mfol ko tin keyog SOMOL ni Got rom ngom ni ngam rin’. Fa’an mang e mfol, ma ke tem nge pi’in owchem ngu’um gagiyeg niged piyu Israel ndariy n’umngin nap’an.

1 Samuel 2:11

Ma aram me sul Elkanah nga tafen nga Ramah; me par fachi pagel ni fak u Shiloh, ngi i pigpig ngak SOMOL u tan pa’ Eli ni prist.

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.

1 Samuel 28:2

Me ga’ar David, “Kefel’ ni arogon. I gag e tapigpig rom, me gur e bay mu guy e tin bay gu rin’.” Me ga’ar Akish, “Kefel’! Bay gu tem ni gur e ngu’um par ni pos rog ndariy n’umngin nap’an.”

1 Samuel 3:1

Re pagel nem i Samuel e bay u tan pa’ Eli ni be pigpig ngak SOMOL. Ma ri buchu’uw e thin nma yib i yog SOMOL e re ngiyal’ i n’em, nge tin ma piliyeg e changar rok e girdi’ ngar guyed e rib lich.