1 Samuel 1:20 - Bible Ni Thothup

²⁰ Me diyen nge gargeleg bochi pagel. Me tunguy fithingan ni Samuel, me weliy murung’agen fithingan ni ga’ar, “Gu wenig ngak SOMOL ni nge pi’ ngog.”

1 Samuel 1:20 Σταυροειδείς Αναφορές

Genesis 16:11

Ke chugur ni ngam gargeleg bochi pagel, ma ngam tunguy fithingan ni Ishmael, I SOMOL e ke rung’ag lamam u fithik’ e gafgow nike yib ngom.

Genesis 30:22

Me leamnag Got Rachel; me ayuweg nge diyen, ni aram e ke fulweg taban e meybil rok.

Genesis 4:25

Miki par Adam nge le’engin bayay, min gargeleg bochi pagel. Me ga’ar le’engin, “Ke pi’ Got ngog e re tir ney nib pumo’on ni nge yan nga luwan Abel, ni fa’ani Kain e li’ ngem’”; me tunguy fithingan ni Seth.

Genesis 5:29

me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.

1 Kronicles 4:10

Machane me meybil Jabez ngak fare Got nu Israel ni ga’ar, “Got mu tow’ath nigeg, ngam ga’nag e gin tafnag. Mu par rog nga mu yororiyeg ko kireb nge dabi kar amith ngog.” Me pi’ Got ngak e tin ni meybilnag.

Psalms 120:1

Nap’an ni u gu moy u fithik’ e oloboch, mu gu pining SOMOL, me fuluweg lungug.

Exodus 2:10

Fa’ani ilal boch fare tir, me fek i yan ngak fare pin ni fak Farao, me tay nike fakay. Me ga’ar, “Gu chuweg u fithik’ e ran,” ma aram me tunguy fithingan ni Moses.”

Exodus 2:22

Me gargeleg bochi pagel. Me ga’ar Moses u wan’, “I gag e gu ba milekag ni gu be par u ba nam ni gathi nam rog, me tunguy fithingan fachi pagel ni fak ni Gershom.”

Matthew 1:21

Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got.”

Hebrews 11:32

Ere nggu ul ul ngay fa? Dakuriy e tayim rog ni nggu weliy murung’agen Gideon, nge Barak, nge Samson, nge Jefta, nge David, nge Samuel, nge pi profet.