1 Samuel 1:19 - Bible Ni Thothup

¹⁹ Fa’ani reb e rran riy nri kab kadbul me od Elkanah nge chon e tabnaw rok ngar meybilgad ngak SOMOL, miyad sul ko tabinaw rorad nga Ramah. Me par Elkanah nge Hannah ni le’engin, me fulweg SOMOL taban e meybil rok Hannah.

1 Samuel 1:19 Σταυροειδείς Αναφορές

Genesis 21:1

Me ayuweg SOMOL Sarah, ni bod rogon ni yog,

Genesis 30:22

Me leamnag Got Rachel; me ayuweg nge diyen, ni aram e ke fulweg taban e meybil rok.

Genesis 4:1

Me par Adam nge le’engin, me diyen le’engin. Me gargeleg bochi pagel me ga’ar, “I SOMOL e ayuw rok make yag bochi pagel gufakay.” Me tunguy Kain ngak.

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

2 Kings 4:17

Machane fa’ani taw ko ngiyal’ ni yog Elisa ngak me gargelnag bochi pagel.

Psalms 119:147

U m’on ni nge m’ug e y’al mu gu piningem ni ngam ayuwegneg; kug pag e taga’ ko n’en ni mu micheg.

Psalms 136:23

De pag taldad ko ngiyal’ nda mo’waergad; t’ufeg rok e ba manemus;

Psalms 25:7

Mu n’ag fan u wun’um e pi denen rog nge tin ug oloboch riy ko ngiyal’ ni ku gub pagel; SOMOL, dab mu pag tilig, ya ga ba gol ma t’ufeg rom e dabimus!

Psalms 5:3

ga ma rung’ag lamag ni kakadbul; ra yib e yal’ ngalang mu gu meybil mu gu son ni ngam fulweg taban.

Psalms 55:17

Kadbul, misiw’, nge nep’ gun’gun’ rog nge gel’gel’ e be yan ngak ngalang, mra rung’ag lungug.

Mark 1:35

Tanirran ni kab neap’ me od Jesus nge yan nga wuru’ e binaw, me yan ngabangi n’en ndariy e girdi’ riy, me par u rom nge meybil.

Luke 23:42

Me ga’ar ngak Jesus, “Ri ga ra leam nigeg ko ngiyal’ ni ga ra yib ni gur e kam mang pilung!”

Joshua 18:25

Ma ku arrogon yu Gibeon, Ramah, Beeroth,

1 Samuel 1:1

Immoy be’ ni pumo’on ko ganong rok Efraim, ni Elkanah fithingan, ni i par ko binaw nu Ramah ni go’ burey u Efraim. Elkanah e ba mo’on ni fak Jeroham, nib mo’on ni fak Elihu, nib mo’on ni fak Tohu, nib mo’on ni fak Zuf ni be’ nu Efraim.

1 Samuel 1:11

Me micheg Hannah bbugithin ni ga’ar, “SOMOL ni Gubin ma Rayag Rom, mu sap ngog i gag e tapigpig rom! Mu guy e gafgow ni kug tay ngam leam nigeg! Dab mu pag talig! Fa’an ga ra gagiyegnag nggu diyennag ba pagel, ma gu be micheg ngom ni bay gu pi’ ngom nge mil fan ngom u n’umngin nap’an e yafos rok, ma dariy e ngiyal’ ni yira th’ab piyan lolugen.”

1 Samuel 15:34

Me yan Samuel nga Ramah, me yan Saul ni Pilung nga tafen nga Gibeah.

1 Samuel 16:13

Me fek Samuel fare gapgep ni olive nge gapgepnag David u p’eowchen fapi pumo’on ni walagen. Me yib fare gelngin SOMOL i ying ngak David ngi i gagiyegnag e rofen nem i yan nga m’on. Me sul Samuel nga Ramah.

1 Samuel 19:18

Me mil David ngak Samuel nga Ramah me weliy ngak urngin e pin’en ke rin’ Saul ngak. Miyow yan Samuel nga Nayoth ngar pirew u rom.

1 Samuel 2:11

Ma aram me sul Elkanah nga tafen nga Ramah; me par fachi pagel ni fak u Shiloh, ngi i pigpig ngak SOMOL u tan pa’ Eli ni prist.

1 Samuel 25:1

Me yim’ Samuel, me mu’ulung urngin piyu Israel ngar mowaw niged. Miyad k’eyag u tabinaw rok u Ramah. Tomuren e biney, me yan David nga ted u Paran.

1 Samuel 7:17

Me sul nga tafen ni bay u Ramah, ngki pithig e oloboch u rom. Me toy ba altar ni fan ngak SOMOL u Ramah.

1 Samuel 8:4

Ma aram me mu’ulung e pi’in yad be yog e thin rok piyu Israel ngranod ngak Samuel ni bay u Ramah,

1 Samuel 9:26

me mol u rom. Be puf e woch me pining Samuel Saul ni bay u daken e chigiy ni be ga’ar, “Mu od, nga darow.” Me od Saul ngranow Samuel nga kanawo’.