1 Samuel 1:10 - Bible Ni Thothup

¹⁰ I Hannah e kari kirban’, ma aram me meybil ngak SOMOL ni be yor nib gel.

1 Samuel 1:10 Σταυροειδείς Αναφορές

Genesis 30:1

Ma fa’ani nang Rachel nder diyennag e bitir ni fak Jakob, me awan’ ngak Leah ni walagen, me ga’ar ngak Jakob, “Mpi’ e bitir ngog, ya fa’anra danga’ ma nggum’.”

Genesis 50:10

Fa’anra tawgad ko gin ni yima gunugunuy e grain riy u Atad, ni bay ko ngek ko lul’ ni Jordan, miyad dololoy’ u rom nib n’uw nap’an ni kari kireban’rad, me un Josef ngorad ngar mowaw niged e chitamngin ni medlip e rran.

2 Samuel 13:36

Ma yug nap’an ni mu’ i yog e pin’ey, me yib fapi pumo’on ni fak David nga naun; mar tababgad ko meyor, miki yor David nge fapi tolang ko salthaw rok nib gel.

2 Samuel 17:8

Ga manang ni David ni chitamam nge tin ke un ngak e girdi’ e yad ba falu’ ko mael, yad bod feni damumuw ba gamanman ni bear ni bay u magerger ni kan leag pifak rok. Chitamam e be’ nike n’uw nap’an ni i un ko mael, ere ra nep’ ma dabi par rok e tin ke un ngak e salthaw.

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

BABYOR NI JOB 10:1

Ke ngochan’ug ko yafos rog. Mmotoyil nggu weliy e tin dabug ngom.

BABYOR NI JOB 7:11

Danga’! Dabi yag ni gu th’ab gulungag! Kug damumuw ma ke buchbuchan’ug. Thingar gu non.

BABYOR NI JOB 9:18

Dabi pageg nggu fil e fan rog; ke suguy e yafos rog ko buchbuchan’.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Proverbs 14:10

Felfelan’ rom e fanam; kirban’ rom e fanam. Dariy be’ nra fana’ boch.

Isaiah 38:15

Mang e rayag ni nggog? SOMOL e ke rin’ e ran’ey ni aray rogon. Ke tagan lanin’ug, ni dabkiyag e mol rog.

Isaiah 54:6

Israel, ga bod ba rugod nike mabgol, ma kari kireban’ ya ke cheal figirngin ke n’ag. Machane SOMOL e ke piningem ni ngam sul ngak ma be ga’ar:

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Jeremiah 22:10

Gimed e girdi’ nu Judah, dab mu yor niged i Josiah ni Pilung; ma dab mu mowaw niged e yam’ nike tay. Machane mu yor niged Joahaz nib mo’on ni fak nib almarin; bay nfeked ni dab ku ni fulweg, ni dabki guy bi’id e re nam nni gargaleg riy.

Lamentations 3:15

Ggan nge garbad rog ni pi’ ngog e bilig t’ay e gafgow.

Luke 22:44

U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

Judges 21:2

Ma aram me yan e girdi’ nu Israel nga Bethel ngranod ra pired nga p’eowchen Got nge blayal’. Miyad yor nib gel ma ba ga’ lamrad me lungrad:

Ruth 1:20

Me fulweg ni ga’ar, “Dab mu pininged ngachaleg ni Naomi, mu pininged Marah ngog,” ni bochan e Got ni Gubin ma Rayag Rok e ke tay e yafos rog nike mo’oy.

1 Samuel 1:11

Me micheg Hannah bbugithin ni ga’ar, “SOMOL ni Gubin ma Rayag Rom, mu sap ngog i gag e tapigpig rom! Mu guy e gafgow ni kug tay ngam leam nigeg! Dab mu pag talig! Fa’an ga ra gagiyegnag nggu diyennag ba pagel, ma gu be micheg ngom ni bay gu pi’ ngom nge mil fan ngom u n’umngin nap’an e yafos rok, ma dariy e ngiyal’ ni yira th’ab piyan lolugen.”

1 Samuel 1:9

Bay ba ngiyal’ u Shiloh nnap’an nra mu’gad ko abich nge garbad, me sak’iy Hannah ni nge meybil. Ngiyal’nem e Eli ni prist e ke par nga daken e chiya’ u langan e mab ko fare Tempel rok SOMOL.