1 Peter 5:6 - Bible Ni Thothup

⁶ Ere mu sobut’ niged lanin’med u tan pa’ Got nib gel gelngin, me fal’eg lanin’med ko ngiyal’ ni be finey.

1 Peter 5:6 Σταυροειδείς Αναφορές

1 Kings 21:29

“Kam guy nga rogon nike sobut’nag Ahab ir u p’eowcheg? Bochan e ke yodoro’, ma aram e dab kug girengiy e riya’ nga daken u nap’an e yafos rok; machane ba pagel ni fak e bay gu girengiy e riya’ nga daken e tabnaw rok u nap’an e par rok ko biney e tamilang.”

2 Kings 22:19

ma fa’an mu rung’ag rogon ni kug leamnag ni nggu gechignag yu Jerusalem, ma ga kolngan’um me sobutan’um u p’eowcheg, ma ga guchthuy e mad rom ma ga yor. Bay gu kirebnag yu Jerusalem nge yan i par nra yib e girdi’ miyad da’da’ ngay, me yan i aw nike tabanathin, ni fa’anra nge buchwa’athan be’ minog ni nge buch wa’athan fa’anem ni bod nike buch wa’athan yu Jerusalem. Machane kug rung’ag e meybil rom,

2 Kronicles 12:12

Damumuw rok SOMOL e de thirif Rehoboam u but’ ni bochan e m’ing ngak SOMOL, me par yu Judah ni kabfel’ rogon.

2 Kronicles 30:11

Miki immoy boch e girdi’ ko ganong rok Asher, Manasseh, nge Zebulun nib magan’rad ngay i ngarbad nga Jerusalem.

2 Kronicles 32:26

Chane me tomur riy me sobut’nag Hezekiah nge girdi’ nu Jerusalem yad, aram made gechignag SOMOL fapi girdi’ nge taw ko ngiyal’ nike yim’ Hezekiah.

2 Kronicles 33:12

Mu fithik’ e gafgow rok me sobut’ laniyan’, me cheal nge sap ngak SOMOL ni Got rok, me wenig ngak ni nge ayuweg.

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

2 Kronicles 33:23

Machane de bod e chitamngin ni sobut’nag laniyan’ nge sul ngak SOMOL; kabgel feni kireb e tin i rin’ rok chitamngin.

2 Kronicles 36:12

Me denen nib togopluw ngak SOMOL ma de sobut’nag ir nge motoyil ngak Jeremiah ni profet, ni ir e i yog e tin i yog SOMOL.

BABYOR NI JOB 36:22

Mu leamnag rogon feni ga’ gelngin Got; i ir ere sensey th’abi ga’.

Psalms 75:10

Ra buthug gelngin e pi’in kireb, machane gelngin e pi’in yad ba manigil e ra gel i yan.

Psalms 89:13

Ri gab gel! Ri ba ga’ gelngim!

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Exodus 3:19

Ri gu manang ni pilung nu Egypt e dabi pagmed ngam marod, ni fa’anra dab ni gel nigey ngak.

Exodus 32:11

Machane me wenig Moses ngak SOMOL ni Got rok ni ga’ar, “SOMOL, mang ni ngari gel e damumuw rom ngak e girdi’ rom, ni gur e mu lagrad u tan pa’ yu Egypt nga pa’am nib gel nge gelngim nib gel?

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Isaiah 40:4

Mu suguyed gubin e yochi loway; mi gimed bardey daken urngin e burey. Bayi tagapas e pi burey; ma yungi n’en nde pach e bay ni pacheag.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Jeremiah 13:18

Me ga’ar SOMOL ngog, “Mog ngak fare pilung nge chitiningin ni ngar luwgow nga but’ u tagil’row nib pilung, ya te’elyaw ko pilung ni bfel’ ya’an e ke mul u lolugen row.

Jeremiah 44:10

Ma ke mada’ ko biney e rran ma dawor mu sobut’ niged gimed. Damur liyorgad ngog fa mu falwokgad ko pi motochiyel ni gu pi’ ngomed nge pi chitamangimed.

Ezekiel 17:21

Tin th’abi falu’ ko salthaw rok e bay ni li’rad u fithik’ e mael, ma tin ndar m’ad e yad ra wear u gubin yang. Ma aram e bay mu nang ni Gag SOMOL e kugog e pi thin ney.”

Ezekiel 21:6

Fak e girdi’, mu gel’gel’ ni bod ni kari ming lanin’um u fithik’ e mathliyab. Mu gel’gel’ u fithik e kireban’ ko gin nrayag ni yaliyem gubin e girdi’ riy.

Daniel 5:22

“Me gur fak e dawor mu sobut’nag an’um, ni yugu aram rogon ni ga manang e pin’ey ni urngin.

Levitikus 26:41

mar k’aringed gag ngug cheal ngug togopluw ngorad nggu pi’rad ngar kalbusgad u lan e nam rok e pi to’ogor rorad. Mra tomur nike sobutan’rad ma kar gafgowgad u wenegan e denen rorad nge togopluw ni urted,

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Matthew 23:12

Ma en nra tolangnag ir e yira sobut’nag nge sobut’an’, ma en nra sobut’nag ir e yira tolangnag.

Luke 1:52

Pi pilung ni ba ga’ lungurad e ke chuwegrad u tagil’rad, ma ke tolangnag e pi’in nib sobut’.

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Roma 5:6

Ya ngiyal’ ni ba’aram ni kagadad be par ndabiyag ni ngad ayuweged gadad, me yim’ Kristus ni fan ngak e girdi’ ni kireb ko ngiyal’ ni turguy Got.

1 Korinth 10:22

Fa gadad ba’adag ni ngad k’aringed e damumuw ngak Somol? Gimed be leamnag ma gadad ba gel ngak?

Deuteronomy 32:35

I SOMOL e bayi fulweg taban ngorad nge gechig nagrad; bayi taw ko ngiyal’ ni ngar mulgad, rofen ni ngan thirifrad u but’ e be chugur.

1 Timothy 2:6

ni ir e pi’ ir nge biyuliy urngin e girdi’ ngak Got. Ireram e mich riy ko re ngiyal’ i n’en ni turguy Got, ni ba’adag Got urngin e girdi’ ni ngar thapgad ngak,

Titus 1:3

ma fa’ani yan i taw nga nap’an, me dag nib tamilang ko thin rok ngodad, ni ireray e ren’en ni kan pag fan ngog, ma gu be wereg murung’agen ko girdi’, ni Got ni ir e ma thapegdad ngak e ke yog ngog ni nggu rin’.

James 4:10

Mu sobut’niged lanin’med u p’eowchen Got me tolangnagmed.

James 4:7

Ere mpi’ed gimed nga pa’ Got ngam paged famed ngak. Mi gimed togopluw ngak fare mo’onyan’, me mil romed.

James 5:10

Pi walageg ni girdi’en Kristus, mu tafinay niged fapi profet ni yad owchen Somol ni ur weliyed e thin rok. Mu filed rorad rogon e gumaen’ nge kadan’ ni ur ted u tan e gafgow ni un tay ngorad.