1 Peter 5:1 - Bible Ni Thothup

¹ Gu be wenig ngak e pi’in yad ba ilal u fithik’ girdi’en e galesiya romed, ni gag bagayad; ni gag e ug guy nga owcheg e gafgow ni i tay Kristus, ma gu ra un ko re fla’ab ni ba’aram ni bay ni dag. Ere gu be wenig ngomed ni be lungug:

1 Peter 5:1 Σταυροειδείς Αναφορές

Luke 24:48

Ma gimed e mich ko pin’ey.

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

Acts 11:30

Ma aram miyad rin’ ni aram rogon, miyad pi’ e re salpiy nem ngak Barnabas nge Saul ngar fekew i yan ngar pi’ew ngak e pi’in pi’ilal ko galesiya.

Acts 14:23

Mra reb e galesiya miyow turguy e pi’in pi’ilal riy ni yad e ngu’ur ayuweged girdi’en e galesiya riy; miyow par ni kar pagew e abich ngar pi’ew yad ngak Somol u fithik’ e meybil, ni fare Somol ni ir e ke pagan’rad ngak.

Acts 15:4

Ma nap’an nra tawgad nga Jerusalem me felfelan’ girdi’en e galesiya ngorad ni karbad, ma ku errogon e pi apostel nge pi’in pi’ilal ko galesiya, ni ireray e picha’ nrogned ngorad murung’agen urngin ban’en ni ngongliy Got u pa’rad.

Acts 15:6

Fapi apostel nge pi’in pi’ilal ko galesiya e ra mu’ulunggad ngar puruy’niged murung’agen e re bugithin ney.

Acts 2:32

I Got e ke faseg e cha’nem i Jesus ko yam’, nre bugithin ney e gamad gubin ni gamad e mich riy.

Acts 20:17

Me pi’ Paul e thin u Miletus nge yan nga Efesus, ni be wenig ngak e pi’in pi’ilal ko galesiya ni ngarbad ngar mada’gad.

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

Acts 21:18

Me reb e rran riy ma gamad yan Paul ngguyed James; ma urngin e pi’in pi’ilal ko galesiya ni yad bay.

Acts 3:15

Ere kam thanged e pogofan rok e cha’ ni ir e tabolngin e yafos. Machane Got e ke faseg ko yam’ — ni gamad e mich ko re bugithin ney.

2 Korinth 5:1

Ya gadad manang nre tent ney ni gadad be par u lan — ni aram e re dowef rodad ney nu fayleng — e nap’an nra puth, ma bay e naun rodad u tharmiy ni ngdarod da pired ngalan, nib naun ni Got e ke ngongliy, ni bay i par ndariy n’umngin nap’an.

2 Korinth 5:8

Ere rib pagan’dad, ma kabfel’ u wun’dad ni gadad ra pag tafedad ni re dowef rodad ney ngdarod da pired ngak Somol nga naun rodad.

Filippi 1:19

ya gu manang ni bay ni pageg ni bochan e meybil romed nge ayuw ni be pi’ e Kan Nthothup.

1 Timothy 5:1

Dab mu puwan’ ngak be’ nib mo’on ni be’ nike pilibthir, machane ngam wenig ngak ni gowa ir e chitamam. Ma rogon e ngongol rom ni ngu’um tay ngak e pi’in pumo’on ni kayad ba pagel e ngu’um rin’ ngorad ni gowa yad pi walagem,

1 Timothy 5:19

Dab mmotoyil ko tin kanog nib togopluw ngak be’ nib ilal ko galesiya ni fa’anra de yib i yog l’agruw ara dalip e girdi’ ni yad e mich riy.

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

Titus 1:5

Gu pagem u Krete ni fan e ngam fal’eg rogon e tin kabay ban’en ni ngan muruwliy, ma nge reb e binaw ma ga duwgiliy e pi’in ngar manged pi’ilal ko galesiya riy. Dab mpag talin e tin kugog ngom nike lungug:

Filemon 1:9

Machane rogon ni gab t’uf rog e ke gagiyeg nigeg ni nggu wenignag ngom ni ngam rin’. Yug ireray rogon ni gag Paul, ni gag e mol’og rok Kristus Jesus, ma ku errogon e chiney ni kug mang reb e kalbus ni bochan.

Hebrews 12:1

Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg.

1 Peter 1:12

I Got e dag ngak e pi profet nem ni maruwel ni yad be tay e gathi yad e nge yib fan ngorad, ya gimed, ni aram e ur weliyed murung’agen e tin nib riyul’ ni ir e kam rung’aged e chiney. Pi mol’og ko fare Thin Ni Bfel’ ni yad e ra welthingad u fithik’ gelngin fare Kan Nthothup nni pi’ u tharmiy nge yib e rogned e pi thin ney ngomed. Ireray e tin nib riyul’ e thin ni mus ngak e pi engel ni yad ba’adag ni ngar nanged fan.

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

1 Peter 4:13

Machane ngam felfelan’gad ni gimed be un ko gafgow ni i tay Kristus, nge yag ni ngar mu felfelan’gad ko ngiyal’ ni bay yib i m’ug ni be galgal ram’en.

1 Peter 5:4

Ya nge yib i m’ug e Cha’ ni ir Pilungen e pi’in yad ma gafaliy e saf me yag ngomed fare te’eliyaw ko fla’ab ni dabi math ram’en bi’id.

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.

2 John 1:1

Re babyor ney e yib rok e en nib ilal — Ni yan ngak fare pin nge pifak ni bogni’ nri yad ba t’uf rog. Gathi kemus ni go’ gag, ya urngin e girdi’ ni karnanged e tin riyul’ ni gimed ba t’uf rorad,

3 John 1:1

Re babyor ney e yib rok e en nib ilal — Ngak Gayus ni be’ nrib t’uf rog.

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.