1 Peter 4:2 - Bible Ni Thothup

² Ere chiney i yan ngam’on e thingari par pangimed u n’umngin nap’an e yafos romed u roy u fayleng ni Got e be gagiyegnag nrogon ni be finey, ma gathi tin nma yim’ e girdi’ ni bochan nde mat’aw u wan’ Got e ir e nge gagiyegnag pangimed.

1 Peter 4:2 Σταυροειδείς Αναφορές

Psalms 143:10

I gur e Got rog; mu fil ngog rogon ni nggu rin’ e tin nib m’agan’um ngay. Mu gol ngog, ma ga pow’iyeg ko kanawo’ nib pach.

Hosea 6:7

“Machane bod Adam yug nap’an e rabad ngalan fare nam, miyad th’ab fare m’ag u thilmad.

Matthew 12:50

Ya en nra rin’ e tin nib m’agan’ e Chitamag nu tharmiy ngay e ir e walageg ni pumo’on, ma walageg ni ppin, ma chitinag.”

Matthew 20:4

me ga’ar ngorad, ‘Kum marod ngam maruwelgad u fithik’ fa gi grape ni fi’ig mu gu pi’ puluwmed ni bfel’.’

Matthew 21:31

Ere mini’ rok fa gal i nem e rin’ e tin ni ba’adag e chitamngin?” Miyad fulweg ngak ni lungurad, “Fa bin ba ilal.” Me ga’ar Jesus ngorad, “Ba’aray ban’en ni nggog ngomed ni nge lungug, pi’in ntamukun tax nge pi’in ni ppin ni yad ma chuway’ ngorad e yad be un ko gagiyeg rok Got ni kar m’onod romed.

Matthew 7:21

“Gathi gubin e girdi’ nma piningeg nma lungurad ‘Somol, Somol,’ e yad ra yan nga gil’ilungun Got u tharmiy, ya kemus ni pi’in yad ma yan nga laniyan’ e Chitamag nu tharmiy.

Mark 3:35

Ya en nra rin’ e tin nib m’agan’ Got ngay e ir e walageg ni pumo’on, ma walageg ni ppin, ma chitinag.”

Mark 7:21

Yu fithik’ i laniyan’ be’ e ir e ma yib e leam nib kireb riy ni ir e ma pingeg fa’anem nge darngal, me moro’ro’ u fithik’ e yargel, me thang e fan ko girdi’,

John 1:13

Dar manged pifak Got ni bod rogon nra sumgad ko girdi’, nni gargelegrad nib girdi’ e chitamangirad; machane Got e ir e en ni Chitamangirad.

John 7:17

En nib m’agan’ ngay ni nge rin’ e tin ni ba’adag Got e ra nang ko tin ni gu be machibnag e yib rok Got, ara gu be weliy ni gag e thin rog.

Roma 12:2

Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

Roma 14:7

Ya dariy bagadad ni be par nib fos nri ir e mmil fan ir ngak, ma dariy bagadad nra yim’ ni kemus ni ir e mmil fan ir ngak;

Roma 6:11

Ere aray rogon ni ngam leam niged gimed ni kam m’ad rok e denen ma kam folgad ni gimed bay rok Got ni kam ta’ab girdi’gad Kristus Jesus.

Roma 6:2

Ri danga’! Ya kadm’ad rok e denen — ere ra di’in mu ud pired ni kagadad be par u fithik’?

Roma 7:4

Pi walageg, ere ku er rogomed ni kam m’ad rok e Motochiyel, ni bochan e kam manged bangi downgin Kristus, ni ir e chiney e ke mil famed ngak, ni ir e ni faseg ko yam’ ni fan e nge yib fadad ngak Got.

2 Korinth 5:15

I yim’ ni fan ngak e girdi’ ni urngin ni bochan e pi’in yad ba fos e nge dab ku ur ngongolgad ni yad be yan nga tabon lanin’rad, machane ngar ngongolgad ni yad be yan ngan’ fa’anem ni ir e ke yim’ ni fan ngorad ma kan faseg ko yam’ ni fan ngorad.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.

Efesus 4:17

U fithingan Somol e nggog e re bugithin ni ba’aray riy ma ri gu be ning chiylen ngomed ni be lungug: dab ku um ngongolgad ni bod rogon e pi’in ndar nanged Got, ni tin yad be leamnag e dabi yib fan,

Efesus 5:17

Ere dab mpired ni gimed e balyang, ya ngam guyed rogon ngam nanged e n’en nib m’agan’ Somol ngay ni ngam rin’ed.

Efesus 6:6

Um rin’ed ni aray rogon ni gathi kemus ni ngiyal’ ni yad be guymed riy, ni bochan e ngam fel’gad u wun’rad; machane ngam rin’ed u polo’ i lanin’med e tin nib m’agan’ Got ngay, nrogon e sib rok Kristus.

Kolose 1:9

Ireray fan ni gubin ngiyal’ ma gamow be pi’ e meybil ni fanmed, ni fa ngiyal’ ni ba’aram ni gu rung’agew murung’agmed riy ke mada’ ko chiney. Gamow ma wenignag ngak Got ni nge tamilangnag lanin’med ngam nanged e tin nib magan’ ngay ni ir e ngam rin’ed, nib cheag urngin e gonop nge tamilangan’ ngay nma pi’ e Kan Nthothup rok.

Kolose 3:3

Ya kam m’ad, ma yafos romed e kan uneg ngak Kristus kan mithag nga fithik’ Got.

Kolose 4:12

I Epafras, ni gimed nga baraba’ me ir reb e tapigpig rok Kristus Jesus e be ga’ar e nge felan’ Got ngomed. Gubin ngiyal’ nri ma pi’ e meybil romed, nma wenig nagmed ngak Got ni nge ayuwegmed ngam pired ni gimed bmuduwgil me ilal e leam romed nrogon girdi’en Kristus, ma kari muduwgilan’med, ma gimed be rin’ e tin nib m’agan’ Got ngay.

1 Thessalonika 5:18

demturug e n’en nra yib ngomed ma gubin ngiyal’ ni ngu’um pininged e magaer ngak Got. Ireray e tin ni ba’adag Got ni ngam rin’ed e pi’in kam manged girdi’en Kristus Jesus.

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

James 1:18

Mi ir e turguy u wan’ ni nge fakaydad u daken e thin rok nib riyul’, ni bochan e ngad pired ni gadad bm’on u fithik’ urngin e tin ni sunumiy ban’en ni tin ni bay e pogofan rok.

1 Peter 1:14

Um folgad rok Got, ma tin nib kireb ni um m’ad ni bochan ko ngiyal’ ndawor mu nanged Kristus riy e dab kum paged nge mang ir e i gagiyegnag pangimed.

1 Peter 2:1

Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!

1 John 2:17

Re fayleng ney nge urngin ban’en ni bay riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.