1 Peter 2:19 - Bible Ni Thothup

¹⁹ Ra fal’eg Got wa’athmed ni bochan e ren’ey, ni fa’anra mu k’adedan’med ko amith ko gafgow nde mat’aw ni be tay e masta romed ngomed ni bochan e bay u wun’med e tin nib m’agan’ Got ngay.

1 Peter 2:19 Σταυροειδείς Αναφορές

BABYOR NI JOB 21:27

Gu manang ni gimed be leam nigeg nga dalib.

Psalms 119:86

Gubin e motochiyel rom mra pagan’nuy ngay; girdi’ e yad be gafgow nigeg ko sasalap l’ugun — mu ayuwegneg!

Psalms 35:19

Dab mu pag e pi to’ogor rog ni yad bogi sasalap l’ugun, ngar giriggad ni ku gu waer. Dab mu pag e pi’in yad be fananikayeg ni dariy tapgin ngar felan’gad ni ku gu gafgow.

Psalms 38:19

Pi to’ogor rog e ba gel; ma bo’or i yad e be fenanikayeg ndariy tapgin.

Psalms 69:4

Pi’in yad be fanenikayeg ndariy tapgin e yad ba pire’ nga piyan lolugeg; pi to’ogor rog e yad be lifith l’ugunrad nib togopluw ngog yad ba gel ma yad ba’adag ni ngar li’edgag nggum’. Kar gel niged yad ngog ni nggu pag ngorad bogi n’en ni gathi gu iring.

Luke 6:32

“Fa’anra kemus ni girdi’ ni gimed ba t’uf rorad e yad ba t’uf romed, ma mang ni gimed be finey nra fal’eg Got wa’athmed riy? Ya mus ngak e pi’in yad ba tadenen ma ba t’uf rorad e pi’in yad ba t’uf rorad!

John 15:21

Machane urngin e pin’ey ni bay rrin’ed ngomed ni bochan e gimed girdi’eg; ya dar nanged e en ni ir e ke l’oegeg ku gub.

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Roma 13:5

Ireray fan nthingar mu fol ko pi am, ni gathi kemus ni bochan e damumuw rok Got, ma ku bochan e be yog lanin’um ngom ni ireray e tin nib mat’aw.

1 Korinth 15:10

Machane Got e runguyeg nge ayuwegneg me pingegeg nggu par ni bod rogog e chiney, ma ayuw ni tay ngog e de aw nib m’ayfan. Ya ke thil, nike gel e maruwel ni kug tay ngak urngin e pi apostel, machane gathi gag e gu be rin’ u gelngig, ya Got e be ayuwegneg.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

2 Korinth 8:1

Pi walagmad ni girdi’en Kristus, gamad ba’adag ni ngam nanged rogon nike ayuweg Got girdi’en e pi galesiya nu Macedonia.

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

Hebrews 10:2

Fa’an mang e girdi’ ni yad be tayfan Got ma yad be meybil ngak e kar ni be’ech nagrad ko denen rorad, ma dabki i magawon e denen rorad nga lanin’rad, ma ke tal urngin e maligach.

1 Peter 2:20

Ya mang puluwon nra yib ngomed ni fa’anra mu k’adan’med ko dumow ni bay tapgin ni nge aw ngomed ni fan e kam rin’ed ban’en nib kireb? Machane fa’anra mu k’adan’med ko gafgow ni mus ko ngiyal’ nib mat’aw e tin ni kam ngongliyed, ma ra fal’eg Got wa’athmed riy.

1 Peter 4:15

Dariy bigimed nsusun e nge gafgow ni fan e ke thang e pogofan rok be’, ara ke iring ban’en rok be’, ara ke th’ab e motochiyel, ara fan e be guy rogon ni nge gagiyegnag e maruwel rok boch e girdi’.