1 Peter 1:24 - Bible Ni Thothup

²⁴ ni bod rogon ni be yog e babyor nib thothup ni be ga’ar: “Girdi’ ni gubin e yad bod e pan, ma urngin fel’ngirad e bod rogon e floras ko pan. Bay yim’ e pan, me mul e floras riy,

1 Peter 1:24 Σταυροειδείς Αναφορές

2 Kings 19:26

Me par e girdi’ riy nde yag ni ngar chamgad ngom; kar rusgad ma ke balyangan’rad. Yad bod e pan u daken e ted nge pan nike tugul u daken e chigiy ko naun ni aw nifingin e ngek ngay nib gowel me mororoy.

BABYOR NI JOB 14:2

Gadad ma ilal ngad mororaygad ni bod feni pay nma mororay e flores; gadad ma ling ni bod e taglul’.

Psalms 102:4

Kug parde’ nga but’ ni bod e pan nike mroroy; kug fangan’ ko ggan.

Psalms 103:15

Gadad e girdi’ nge n’umngin nap’an e yafos rodad e bod e pan, gadad ma ilal nge yan i mus nga fel’ngidad ni bod ba floras u fithik’ e pan.

Psalms 129:6

Mang e yad gubin nra boded e pan ni be tugul u daken e naun, nma mororoy u m’on ni nge ilal;

Psalms 37:2

ya bayi math owcherad ni bod e pan ni mororoy; bay ram’ad ni bod rogon e woldug ni mororoy.

Psalms 39:6

ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.

Psalms 90:5

Gur e ga ma chuwegmad ni bod e ran ni sugbur; dabi n’uw nap’anmad ni bod ba lik’ay. Gamad bod e pan ni tugul ni kadbul,

Psalms 92:7

pi’in kireb e leam rorad e manga yad ra ilal ni bod e pan, ma pi’in yad ma ngongliy e kireb e manga yad ra man’og; machane bay ni thirifrad u but’,

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Matthew 6:30

I Got e ir e be pi’ e mad ko pan — ni pan ni bay u roy e daba’, me gabul ma dakuriy, ya kan urfiy u lan e stof. Ere gathi bmuduwgil nra pi’ Got e mad ngomed? Rib achig e pagan’ romed ngak Got!

James 4:14

Ma mus ko n’en ni bay yib ngomed gabul ma da mu nanged! Ya gimed bod bochi yang i ath ni sum ko garbeb, ni yib i m’ug ma de n’uw nap’an me m’ay nga bayang.

1 John 2:17

Re fayleng ney nge urngin ban’en ni bay riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.