1 Korinth 7:9 - Bible Ni Thothup

⁹ Machane fa’anra dabkiyag ni ngam k’adedan’med, me ere mu uned ko mabgol — ya kabfel’ ni nga ni mabgol ko bin ni ngu’u nim’ ni bochan e ngan par.

1 Korinth 7:9 Σταυροειδείς Αναφορές

Acts 19:36

Dariy be’ nrayag ni nge yog nde riyul’ e pi thin ney. Ere thingar mu gapasgad nge siy mu ngongliyed ban’en nga fithik’ e balyang.

1 Korinth 7:2

Machane bochan e bo’or e girdi’ ni be ngongliy e ngongol ko darngal, ma aram e gubin e pumo’on nra be’ ma nge par ni bay leengin, ma gubin e ppin nra be’ ma nge par ni bay figirngin.

1 Korinth 7:28

Machane fa’anra mu’un ko mabgol ma dawor mu ngongliy ba denen; ma fa’anra un reb e bpin nib muchugbil ko mabgol ma dawori ngongliy ba denen. Machane gu be finey ni nge siy mpir’eged e gafgow ni be pir’eg e pi’in nib mabgol ni gubin e rran.

1 Korinth 7:36

Ra bay l’agruw ni’ ni kan duwgiliy ni ngar mabgolgow miyow duwgiliy ndab kur mabgolgow, ma aram e ba’aray rogon: fa’anra be finey fare mo’on nde fel’ ngak fare pin ni aram rogon, ara ri ba’adag fare mo’on fare pin ma be finey ni susun e ngar mabgolgow, me ere ngar mabgolgow nge yan i aw ngarogon ni ba’adag, ya dariy ban’en nib denen riy.

1 Korinth 7:39

Be’ ni bpin nib mabgol e gathi ir e mmil fan ir ngak u n’umngin i nap’an ni kabfos figirngin; machane fa’anra yim’ figirngin, ma aram e ke puf rogon ni nge figirngiy e re mo’on ni ir e ba’adag; machane thangri aw nrogon e mabgol nma tay e pi’in girdi’en Kristus.

1 Thessalonika 4:4

Ra bigimed e pi’in pumo’on ma susun e nge nang rogon ni nge fek be’ ni bpin ni nge le’ay u lan e kanawo’ nib thothup ma dariy thibngirow riy,

1 Timothy 5:11

Machane dab mu uneg fithingan e ppin nike yim’ figirngirad ma dawor ra pilibthirgad nga fithingan e pi’in ke yim’ figirngirad ma kan tayrad nga babyor; ni bochan e ngiyal’ ni ra t’uf rorad ni ngar uned ko mabgol, ma yad ma pi’ keru’rad ngak Kristus,

1 Timothy 5:14

Ere kabfel’ u wun’ug ni pi’in ke yim’ figirngirad ma dawor ra pilibthirgad e ngar uned ko mabgol, ngar fakyed e bitir, mu ur ayuweged e tabinaw rorad, ngad guyed rogon ni dabi yib tapgin ni nge yog e pi’in nto’ogor rodad ni gadad ba kireb,