1 Kings 9:1 - Bible Ni Thothup

¹ Tomuren nike mu’ Solomon i toy fare Tempel nge naun rok ni tafen e pilung, nge urngin e naun ni leamnag ni nge toy,

1 Kings 9:1 Σταυροειδείς Αναφορές

1 Kings 3:1

Solomon e fal’eg e tha’ u thilrow e pilung nu Egypt ni le’engiy be’ nib pin ni fak. Me yib i tay ngalan fare Binaw rok David nge mada’ ko ngiyal’ ni m’ay i toy e naun rok, nge fare Tempel, nge yoror ko binaw nu Jerusalem.

1 Kings 6:37

Def ko Tempel e ni ngongliy u lan e bin l’agruw e pul, ni fare pul ni Ziv, ko re duw ni ba’aram ni gaman e aningeg e duw nap’an nike gagiyeg Solomon.

1 Kings 7:1

Miki toy Solomon ba tafen e pilung ntafen, ragag nge dalip e duw nni muruwliy.

1 Kings 7:2

Me fal’eg bang u lan tafen ni Senggil ko Loway nu Lebanon fithingan, n’umngin e 150 e fit, ma radan e medlip i ragag nge lal e fit, ma tolngin e aningeg i ragag nge lal e fit, ntoy nga daken yu ley i duga’ ni cedar ni ka ni k’afeg ni dalip thal, ni bay yu ley i likeng ni cedar u daken e pi duga’ nem.

1 Kings 7:51

Nap’an ni mu’nag Solomon ni Pilung urngin e maruwel ko fare Tempel, me tay ngalan fapi senggil ni tafen e chugum urngin e tin nike ognag e chitamngin i David ngak SOMOL— silber, gol nge ku boch ban’en.

1 Kings 8:66

Me rofen ni meruk me pag Solomon e girdi’ ngar sulod nga taferad. Ma yad gubin nra pininged e magaer ngak, miyad sul nga taferad ni kar felfelan’gad ni bochan urngin e pin’en ni bfel’ nike pi’ SOMOL ngak e tapigpig rok i David nge yu Israel ni girdi’ rok.

1 Kings 9:10

Rliw’ e duw ni toy Solomon fare Tempel nge fare naun rok ni tafen e pilung.

1 Kings 9:11

Me Hiram ni Pilung nu Tyre e ke pi’ urngin e gek’iy ni cedar nge pine nge urngin e gol ni ba’adag Solomon ni nge fanay ko re maruwel rok ney. Ma nap’an ni m’ay fare maruwel, me pi’ Solomon ni Pilung rliw’ e yuchi binaw u lan e nug nu Galilee ngak Hiram.

1 Kings 9:19

nge fapi binaw nma cha’riy Solomon urngin e chugom rok riy, nge pi binaw ni fan ko os nge chariot rok, nge urngin e tin kabay ni ba’adag ni nge ngongliy u Jerusalem, ngu Lebanon, nge gubin yang u lan e gin ni be gagiyeg riy.

2 Kronicles 7:1

Nap’an ni mu’ Solomon ni Pilung ko meybil, me yib e nifiy u tharmiy nga but’ nge urfiy fapi maligach ni kan pi’, me suguy maluplup’en SOMOL fare Tempel.

2 Kronicles 7:11

Nga tomuren nike mu’ Solomon ni Pilung i toy fare Tempel nge fare naun ko pilung, nike mu’nag urngin e tin ni tanomnag riy,

2 Kronicles 8:1

Rliw’ e duw ni toy Solomon fare Tempel nge fare naun ko pilung ni tafen.

2 Kronicles 8:6

nge fare binaw nu Baalath, nge gubin e pi binaw ni tafen e cha’ar rok, nge pi binaw nma tay e os nge pi chariot rok riy. I mu’nag gubin e tini tanomnag ni nge toy u Jerusalem, ngu Lebanon, ngu ga’ngin fare gi nug ni i gagiyegnag.

Eklesiastes 2:10

Urngin e tin ni gu ba’adag e go’ yag ngog. Dariy bmit e felfelan’ ni gu siyegneg riy. Gu uf uf ko urngin e tin ni gu maruwliy, ma urngin e pin’ey e aram puluwog.

Eklesiastes 2:4

Kug mu’nag boch e maruwel nib gagang’. Ku gu toy boch e naun ngog ma ku gu yung boch e milay’ ni grape.

Eklesiastes 6:9

Rib m’ayfan; bod ni yibe lol’oeg e nifeng. Kabfel’ ni nge fel’ u wan’um e tin bay rom ko bin ni gubin ngiyal’ ni ngu’um finey e tin dariy rom.