1 Kings 7:47 - Bible Ni Thothup

⁴⁷ De yog Solomon ni ngan thabthabelnag e pin’ey nib bronze, ni bochan e kay gi yo’or, ma aram e de yag ni ngan nang tomalngin e pin’ey.

1 Kings 7:47 Σταυροειδείς Αναφορές

1 Kronicles 22:14

Me gag e kug k’adgelngig kug kunuy e gol nike chugur i gaman e aningeg bbiyu’ e ton ma silber e ke chugur i gaman aningeg i ragag e bbiyu’ e ton ni ngan fanay ko fare Tempel ni ngan toy. Ma ku bay e bronze nge wasey ndabi may’. Ku gu fal’eg rogon e plang nge malang kug tay, machane thingar kum yagnag boch.

1 Kronicles 22:3

Me pi’ e wasey nib yo’or ni ngan ngongliy e rchib nge pin’en ni yima k’adeg ko fapi mban e garog ni plang, nge bronze nib yo’or ndariy be’ nrayag rok ni nge thabthabelnag tomalngin.

2 Kronicles 4:18

Ere bo’or e pin’en nni ngongliy ndariy ta’abe’ ni manang tomalngin gubin e bronze nni fanay ngay.

1 Kronicles 22:16

ko gol, silber, bronze, nge wasey. Ere mu tabab e chiney ko maruwel, ma mang e yigi par SOMOL rom.”

2 Kings 25:14

Ma kur feked fapi sebel nge tafen e awat ni yima klinnag e altar ngay, nge pi talin e maruwel ni fan ko magal, nge yu raba’ i dabiy ni yima fanay ngi i lul’ rachaen e gamanman ni maligach ngay, nge yu raba’ i dabiy ni yima urfiy e incense u langgin, nge gubin ban’en ni yima fanay ko maruwel u tempel.

2 Kings 25:16

Fa pin’en nni ngongliy ko bronze ni Solomon ni Pilung e yog ni nga ni ngongliy ni fan ko Tempel, ni aram fa gal duga’, nge ay e pin’en ni yima maruwel ngay u tempel, nge fare teng ni ba ga’, e ba tomal ndabiyag ni ngan thabthabelnag.

Jeremiah 52:20

Ma pin’en nni ngongliy ko bronze, ni Solomon ni Pilung e yog ni nga ni ngongliy ni fan ko Tempel, ni aram fa gali duga’, nge ay e pin’en ni bay u Tempel, nge fare teng ko ran nib ga’, nge fa ragag nge l’agruw i garbaw ni ir e ke gif fare teng nga daken ya ke pag feni tomal ndabiyag i thabthabelnag.