1 Kings 1:53 - Bible Ni Thothup

⁵³ Me pi’ Solomon ni Pilung e thin nga ni yan ni fek Adonijah u altar. Me yib Adonijah i paraw nga but’ u p’eowchen Solomon, me ga’ar Solomon ni Pilung ngak, “Mman nga tabinaw rom.”

1 Kings 1:53 Σταυροειδείς Αναφορές

2 Samuel 1:2

Me reb e rran riy me taw be’ nib pagel ni yib ko gin ni ba’aram ni n’uf Saul nge pi salthaw rok e tent rorad riy ngar pired riy. Ma ke guchthuy e mad u daken, ma ke tay e but’ nga fithik’ i lolugen, ni aram e be dag ni kari kireban’. Me yib ngak David me yib i siro’ ngak ni aram e ke tay fan David.

2 Samuel 14:24

Machane me yog David ni Pilung ndabi un Absalom ko par u lan e naun rok ni tafen e pilung. Ya ga’ar David ni Pilung, “Dabug ni ngug guy owchen.” Me par Absalom u naun rok nde yib nga p’eowchen e en ni pilung.

2 Samuel 14:28

L’agruw e duw ni par Absalom u Jerusalem nde guy owchen David ni Pilung.

2 Samuel 14:33

Me yan Joab i weliy ngak e en ni pilung. Me pi’ fa en ni pilung e thin ni nge yib Absalom i guy, me yib i paraw nga but’ u p’eowchen e en ni pilung. Me faray e en ni pilung owchen Absalom.

1 Kings 1:16

Me yan i paraw Bathsheba nga but’ u p’eowchen David ni Pilung, me fith David ngak ni ga’ar, “Mang e ga ba’adag?”

1 Kings 1:31

Me paraw Bathsheba nga but’ me ga’ar, “David ni gur e SOMOL rog nge pilung rog, e mang e yugum par ndariy n’umngin nap’an!”

1 Kings 1:52

Me fulweg Solomon ni ga’ar, “Fa’anra i par nib yul’yul’, ma mus nga ta’ab gaf i piyan lolugen ndab ni math ngay; ma fa’anra danga’, ma yira thang e fan rok.”

1 Kings 2:1

Nap’an nike chugur ni nge yim’ David, me pining Solomon ni fak me pi’ e tin tomur e fonow rok ngak ni ga’ar,

1 Kings 2:36

Me’ere me mol’og fare pilung ni nge yan ngak Shimei ni ngan ga’ar ngak, “Mu toy ba naun u roy u Jerusalem. Mu par riy ma dab mu chuw u lan e re binaw ney.

Proverbs 24:21

Fakag, mu digow ngak SOMOL ma ga tayfan e pilung. Ma dab mu’un nga ban’en nma rin’ e pi’in nma togopluw ngorow;