1 John 3:4 - Bible Ni Thothup

⁴ Ya en nra denen e ba kireb e rok nike th’ab e motochiyel rok Got; ya denen e aram e kan th’ab fare motochiyel.

1 John 3:4 Σταυροειδείς Αναφορές

1 Kings 8:47

ma ngam motoyil ko meybil rok e girdi’ rom. Ma fa’anra yad ra kalngan’rad u lan e re nam nem ngar pi’ed keru’rad ko kireb ngar meybilgad ngom nga rogned ngom gelngin e kireb ni ur ngongliyed, me gur SOMOL e ngam rung’ag e meybil rorad.

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

2 Kronicles 24:20

Ma aram me yib e Kan Nthothup rok Got nga daken Zekariah nib mo’on ni fak Jehoyada ni prist. Me sak’iy ko gin nra guy e girdi’ riy me non nib ga’ laman ni ga’ar, “Be fithmed SOMOL ni Got ko mangfan nda kumur folgad ko tin ke ta’chiylen ma gimed be girengiy e gafgow nga dakenmed! Ka mu paged, ere ke pagmed!”

Isaiah 53:8

Nib ni kol min turguy ni ngan li’ ngem’ mu’un fek i yan ni ngan li’, ma dariy be’ ni rusnag ko n’en ni bay nrin’ ngak. Ni thang e fan rok ni bochan e denen rok e girdi’ rodad.

Daniel 9:11

Urngin piyu Israel ni kar th’abed e pi motochiyel rom ma kar siyegned ni ngar motoyilgad ko tin ni kamog. Kug denen gad nib togopluw ngom ma kam girengiy nga dakenmad fapi buch wa’athan ni bay ni kan yoloy u lan e Motochiyel rok Moses, ni tapigpig rom.

Numbers 15:31

ni bochan e ke pi’ keru’ ko n’en nike yog SOMOL ma ke th’ab ni leam rok. Ere ra yim’ ma ir e ke girengiy e yam’ nga daken.”

Matthew 5:19

Aram fan ni en nra th’ab e gin nth’abi achig ko fapi motochiyel, me fil ngak e girdi’ ni ngar rin’ ed ni bod ir, e ra par ni ir e th’abi sobut’ u lan gil’ilungun e tharmiy. Machane en nra fol ko Motochiyel rok Got, me fil ngak e girdi’ ni ngar rin’ ed ni bod ir, e ra ga’ u lan e gagiyeg nu tharmiy.

Acts 23:3

Me ga’ar Paul ngak, “I Got e rib muduwgil ni bayi bat nigem — i gur e gi rungrung nir ni kan achey ko wech! Kam par nga but’ u wur ni ngam pufthin nigeg nrogon ko Motochiyel, machane kam th’ab e Motochiyel ya kamog ngorad ni ngar bat niged gag!”

Roma 3:20

Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

Roma 4:15

Fare Motochiyel e be fek e damumuw ku Got i yib ngodad; ya fa’an mang e dariy e motochiyel, me ere ku dabiyag ni ngan th’ab e motochiyel.

2 Korinth 12:21

Gu be rusnag ni yanem ni gu ra yib e ra tamra’nigeg e Got rog ni bochmed, ma bo’or i gimed e bay gu yornag ni bochan e kar denengad ma dawor ra kolgad ngan’rad ngar pi’ed keru’rad ko kireb ni yad be rin’, nge ngongolen e darngal nge tin kireb ni yad be ar’arnag ma yad be ngongliy.

James 5:15

Re meybil ney ni yira tay u fithik’ e michan’ ngak Got e ra golnag fare m’ar; i Somol e ra chuweg e m’ar rok, ma pi denen nike ngongliy e ra n’ag Got fan.

1 John 5:17

Urngin e kireb ni yima ngongliy ma denen, machane bay e denen ni dabi fekey ko yam’.

1 Samuel 15:24

Me ga’ar Saul, “Kug denen, ya da gu fol ko tin keyog SOMOL ngog nge tin mog ngog ni nggu rin’. Gu tamdag ngak e pi salthaw rog mu gu rin’ e tin nib magan’rad ngay.