ZAKHARIA 2:9 - Susula Malalaok Hehelu Palak Ma Hehelu Beuk

⁹ “Neukose Manetualain mesak-kana nde la'ban emi, ma neukose emi usi heni emi atam-mala, sila nde lamanako seluk emi. Metema, dede'ak ndia ana da'di soona, neukose emi bubuluk, mae Manetualain Fo Manakoasa, nadenu basa au so.”

ZAKHARIA 2:9 Σταυροειδείς Αναφορές

YESAYA 10:32

Faik ia, musunok-ka nai kota Nob-pa, de nai naa, ala kukumu liman-nala lasale leo Pupuku Sion-na, ma leo kota Yerusalem-ma neu.

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 13:2

Masa'e dedeo natee-natatik-kala neu pupuku na'u tak-kala poin-na! Maloo bou-bou neu basa solda'du-la, ma so'uk emi limam-mala, fo ela ala sapu-la kota manakoao-ndaeaok ndia lelesuinan-nala.

YESAYA 14:2

Neukose leoina makadotok ala tulu-fali leoina Israel-la, fo ala fali leo nusak fo Manetualain fen neu sila, de neukose leoina ndia, ana da'di ata neu Israel. Neukose Israel foo hataholi fo ala foo hai Israel-so, ma ana paleta hataholi fo ala tuni-ndeni hain so.

YESAYA 19:16

Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YESAYA 33:21

Neukose, Manetualain natu'du matua-mademan neu ita. Neukose, ita taso'da nai lee maloa su'un-na fo, ofa musu-a ta tunga ndia fa.

YESAYA 4:5

Boema nai pupuku Sion-na, ma basa hataholi fo lakabubua nai ndia, Manetualain nakadada'dik ko'as-sa nai fai lele'don-na, boema ha'imasuk ma ha'ipila mangale'dok-ka, nai fai le'odaen-na. Manetualain no koasan-na mesak-kana, neukose Ana da'di leleo fo nasulu-nahapa kota ndia lala'en-na.

YESAYA 48:16

Mai deka mo Au, fo mamanene leon, neme makahulun-na mai, Au kokolak no le'do-le'dok; ma Au tao Au hala-kokolang, da'di nananitak tataas esa.” Besak ia Manetualain nadenu au, de Ana fe koasan-na neu au.

YESAYA 60:18

Neukose ta hapu seluk halak, la'eneu naseti-nalakak nai o nusam-ma fa, la'eneu nakalulutuk, ma manandefak nai o dae baba'em-ma fa, Neukose Au asulu-ahapa o, sama leo papala nanadamak-ka, fo neukose, o koa-kio Au, da'di leo o manasoi-manatefam.

YESAYA 60:19

Ta paluu le'do mahaak-ka, la'e o nai fai lele'don-na fa, ma ta paluu bulak-ka, nasalaa la'e o, nai fai le'odaen-na. Nana Au fo Manetualain nde da'di mangale'do manaketu basa tak, ba'eneu o, Au asala ala o, nenik Au matua-mademang.

YEREMIA 27:7

Basa leoina-la ala sene-do'ok neun, ma neu ana manen-na, ma neu upun-na losa fain nusan-na tu'da-monu aom. Nai lelek ndia te leoina Babel-la neukose sene-do'ok neu leoina-leoina fo mabe'i-balakaik ma manek matuainan-nala.

YEREMIA 28:9

Tehu Nabi mananeuk mole-dame-a, ka'da hapu nananamahelek da'di leo nabi fo te'e-te'e nananadenuk neme Manetualain mai, metema ana neuk-kala da'di mata-nitak.”

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

YESKIAL 39:10

Da'di ta paluu leu hila ai ha'i, do leu lo'o ai nai nula dale so'on, nana ala la'oela tafa-sisilo sila-la, dai ala pakes da'di ai ha'i. Neukose lamanako, ma ala kalo hataholi fo lamanako, ma ala kalo leni sila hata-heton-nala. Au, Manetualain Fo Mademaina, nde manakokolak-ka.”

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

HABAKUK 2:17

O lo'o ai nai Libanon nulan dale, de besak ia neukose o nde nanalo'o henik. O taomisa banan-nala, de besak ia, bana-la lakatata'u o. Basa sila-la ala da'di, nanahu kanisak ma tatao-nono'i susue-lalai tak fo o tao basan soaneu nusa-nusak-kala, kota-kota-la ma laun-nala.

HABAKUK 2:8

O bonga basa leoina ba'uk-ka uman-nala so, tehu leoina fo o ta hapu bonga uman-nala fa, neukose ala bonga o umam-ma, nanahu o tao basa kanisak so, ma nanahu o tatao-nono'im, fo ta nanuu dale susue-lalaik ndia neu nusa-nusak-kala, kota-kota-la, ma laun-nala.

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

ZAKHARIA 2:8

See natee-nata'ti no emi soona, natee-natati no Au tei-ateng nde ndia.” Boema Manetualain Fo Manakoasa nadenu au fo anduku-alosak hala heheluk ia, neu leoina fo lamanako Au anang-ngala hata-heton.

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

ZAKHARIA 6:15

Neukose hataholi-la, ala mai leme mamana dook-ka mai, fo ala tulu-falin, fo lafofo'a falik Au Uma nga. Metema tao basa uma ndia soona, neukose ala bubuluk, lae Au Manetualain Fo Manakoasa, nde nadenu basa o, leo sila neu so. Neukose basa sila-la, ala da'di, metema te'e-te'e ala tao tunga Au, Manetualain fo sila Manetualain, paletan-nala.”

ZAKHARIA 9:15

Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

YOHANIS 13:19

Besak ia, Au afa'da dede'ak ndia neu emi, beidai ana beita da'di ia fa, fo ela metema dede'ak ndia ana da'di soona, neukose emi mamahele mae, Au nde Ndia fo loken lae, AU NAI IA.

YOHANIS 16:4

Tehu besakia, Au afa'da emi dede'ak ndia, fo metema neu fai makabuin, ana da'di soona, emi mafandele mae, Au afa'da basan neu emi so.” “Au ta afa'da dede'ak ia la neu emi neme makasososa na mai fa nana, Au bei sama-sama o emi.