ZAKHARIA 14:17 - Susula Malalaok Hehelu Palak Ma Hehelu Beuk

¹⁷ Metema hapu leoina ta nau neu leo Yerusalem neu, fo sene-do'ok Manek, fo Manetualain fa soona u'dan ta nai nusan-na fa.

ZAKHARIA 14:17 Σταυροειδείς Αναφορές

KEJADIAN 10:32

Noh tititi-nonosin nde basa sila-la, fo neme leoina leo leoina neu, tunga sila esa-esak tititi-nonosin. Sila nde bongi basa leoina manai daebafak ia lala'en-na, nai lelek basa faa tuak matuaina ndia.

KEJADIAN 12:3

Neukose, Au ba'e-pala hataholi fo, manafe o baba'e-papalak, ma Au soo-supa hataholi fo, manasoo-supa o-a. Ma hu kande o, de neukose Au ba'e-pala basa leoina manai daebafak-ka lala'en-na.”

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1RAJA-RAJA 8:35

Metema O ana mala lasala-lasingo neu O fo O hukus nenik O ta makona fes u'dan fa boema ala tukatei-saledale leme sila sala-singo nala mai, ma ala fe ha'da-holomata neu O da'dileo Manetualain, basa boema ala la'ok lasale leo uma hule-haladoik ia mai, boema ala hule-haladoi neu O lae,

2TAWARIKH 6:26

Metema O anam-mala lasala-lasingo neu O fo O hukus nenik O ta makona u'dan-na boema ala tuka tei-sale dale leme sila sala-singon-nala mai fo ala fe ha'da-holomata neu O da'di leo Manetualain, basa soona ala mai leo O Umam ia mai, boema ala hule-haladoi neu O lae,

2TAWARIKH 7:13

Metema Au ta fe u'dan-na mai do Au haitua lamak-ka mai soaneu la'aheni buna-boak manai daebafak-ka do Au fe he'di-laus neu Au anang-ngala,

YESAYA 18:7

Neukose fain-na losa, tunu-hotuk-kala nanananduku-nalosak neu Manetualain Fo Manakoasa, neme nusak ndia, fo lee-la tunga tala'da, neme leoinan fo mabe'i-balakaik ma makadelek, neme hataholin fo mademaina-la, ma lou mangana'uk, ma basa daebafak-ka lala'en-na bii-lamata'us. Neukose ala mai leo Pupukuk Sion-na, leo mamanak fo Manetualain Fo Manakoasan nanasene-do'ok.

YESAYA 45:23

Au helu basa so, de Au hehelung-nga, neukose ta hela falik-kana fa; Au soo inik Au na'deng-nga: Basa hataholi-la, neukose ala senek nai Au matang, ma laheluk nai sila dede'an-na dalek, soaneu lilineka neu Au.

YESAYA 5:6

Neukose Au po'ilotak na'u-aiana moli lai dalek. Au ta ta'ti heni angol-la huun-na fa, ma neukose Au ta te'te na'un-na fa. Nakalenak, Au po'ilotak makatemak dila-nggauk ma na'u-la, moli lahenu dalek. Lena-lenak, Au kena-ka'i ko'a u'dak-kala, fo boso fen u'dan.”

YESAYA 60:12

Leoina, ma nusak fo ala ta nau lakatele neu o fa, neukose mate-mopos, fo mopok-kasa.

YEREMIA 10:25

Po'a-ngganga O nasam-ma neu leoina fo ta nalelak O fa ma ta nau lakaluku-lakatele neu O fa. Nana sila tao lamate-lamopo O anam-mala makandondook ma ala tao lakalulutuk ami nusam-ma.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 14:3

Hataholi kamasu'ik-ka nadenu basa malalau-maoonon-nala sanga nai basa mamanak lala'en-na; de leu leo basa oedolu lala'en-na, tehu oen-nala basa so. Ketel-la louk fo lenik-kala ala leni falik-kana. Ala mae de ala potiketu mata-panan-nala nana dalen-nala ba'ihanak-ka ma ketu dudu'an-nala.

YEREMIA 14:4

U'dan-na ta mai fa de dae-a tuk metomelok; manamaue-la potiketu mata-panan-nala nana delen-na ba'ihana nanseli.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

ZAKHARIA 14:16

Basa boema, basa hataholi fo bei laso'da nai leoina manasapu-na Yerusalem dalek-ka, neukose leu leo kota ndia leu, fo ala sene-do'ok neu Manek, fo Manetualain ma soaneu, ala tao Feta Lalaa Akidook-ka.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

ULANGAN 11:17

Metema, emi la'olena paleta sila-la soona, neukose Manetualain namanasa emi. Neukose Ana ta fe emi u'dan fa; fo emi daem-ma namatuu, nalosa mate emi bubu'u-palusam-mala. Soona, ta dooanak so'on te, emi mate nai dae maoe-maisik fo, Manetualain fen neu emi ndia.

YAKOBIS 5:17

Elia, hataholi daebafak leo ita boe. Tehu ana hule-haladoi te'e-te'e fo u'da na boso mai, de tete'e ka, u'da na ta mai teuk telu seselik fa.

NINITAK 11:6

Ala hapu koasa soaneu kena lalai fo u'da na boso mai nai lelek ala po'a-benga Manetualain dede'a-kokolan. Sila boeo koasa basa oemata la, fo ala tao lasafali oe da'di daak. Ma duas boeo lanuu koasa soaneu fepa daebafa ka ninik susa-soe mata-mata kala, faihi'da ndia boe sa'di ala nau taon.