ZAKHARIA 11:7 - Susula Malalaok Hehelu Palak Ma Hehelu Beuk

⁷ Au, Zakharia, boema manadangan bi'ilopo-la se'ba au, soaneu foo bi'ilopo, fo neukose nanado'ok sila-la. Au aitete'eng 2; de Au foi esa na'de “Dale Malole” ma esak-ka seluk, na'de, “Hehengek.” Basa boema, au mulai anea, ma au akaboboi bi'ilopo sila-la.

ZAKHARIA 11:7 Σταυροειδείς Αναφορές

MAZMUR 23:4

Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YEREMIA 39:10

Neme laun nggelok nuu taak nanseli-a ma hata-heto taak-kala, ala la'o elas nai Yehuda de ala fes osi angol ma tina-osi.

IMAMAT 27:32

Bana esa neme bana sanahulu mai nde been-na, Manetualain nuun. Metema leke bana-manu sila-la soona, bana ka sanahuluk-ka, ana da'di Manetualain nuun.

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

ZEFANYA 3:12

Neukose Au po'ilotak leoina esa nai naa, dalen-na taidaek, boema namahena Au tutulu-fafaling, de ana bole leo nahele neme ndia.

ZAKHARIA 11:14

Basa ndia boema, au helu la'di au aitete'e ka dua, fo au foin na'de “Hehengek”, boema heaba'e Yehuda ma Israel nakabua-nakesan-na.

ZAKHARIA 11:4

Manetualain nafa'da au nae, “Ta'ko o nono'kabai manafoo-a, de o foo bi'ilopo fo sanga do'don.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MARKUS 12:37

Da'di metema Dauk noke Mane Mana Fe So'dak ndia nae, ‘Lamatuak’, soona da'di tao leo beek de, Dauk tititi-nonosin Mane Mana Fe So'dak ndia?” Hataholi makadotok manai Manetualain Uman sila la, ala hii lamanene Yesus nanoli.

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

SEMUEL SUSULAK-KA ESAN-NA 17:40

Basa boema, ana ho'in-na aitete'e foo bi'in-na, de ana helen-na batu bobongok 5 neme lee dale mai, boema ana taos leo ba'du-na sakun dale neu. Ma ana sadia-na pipilun-na nai liman dale so, de neu natongo no Goliat.

SEMUEL SUSULAK-KA ESAN-NA 17:43

Goliat nafa'da Dauk nae, “Ai tete'ek ndia, sosoan-na beek? Ade, o maedaenga au ia busa do?” Boema Goliat soo-supa Dauk nenik basa Goliat lamatua daebafa-nala na'den-na.