YUNUS 4:11 - Susula Malalaok Hehelu Palak Ma Hehelu Beuk

¹¹ Hapu nai bee, Au daleng-nga ta he'dis-sa, no dudu'a-dodoo Niniwe, kota matuaina ndia fa. Nana fe'ek neme bana fo ta hapu leke-na dede'un-nala ndia fa, nai ndia boeo hapu ni'iana lena neme 120.000 ala beita hapu mete lalelak, beek kande malole, do beek kande mangalauk fa.”

YUNUS 4:11 Σταυροειδείς Αναφορές

KEJADIAN 9:10

ma no basa mahahae maso'dak fo kaso'dak lala'en-na, fo nde manupui-la ma basa bana manai ma'dak lain-na, hei, basa hata fo manakalua sama-sama loo emi, neme ofak ndia dalek mai.

MAZMUR 104:14

O makamomolik na'u, soaneu bana-manu, ma basa bubu'u-palusa mata-matak-kala soaneu hataholi daebafak-ka, boema ana hapu foi-fala,

MAZMUR 36:6

Manetualain, O susue-lalaim, dema lalai-a, ma O lilinekam, losa ko'as-sa.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 37:37

Boema, Sanherib, fo manek Asyur-ra, nakadedeak, de ana fali leo Niniwe neu.

YESAYA 7:16

Nana faik ndia beita losa fa, te o bii-mamata'u neu mane-manek fo manapaleta nusa ka duak-kala, neukose nanala'o elak da'di nusa louk.

YUNUS 1:2

nae, “Muu leo Niniwe fo kota matua ndia muu, fo fen balataak, nanahu Au bubuluk basa laun-nala mangalauk lanseli.”

YUNUS 3:10

Manetualain nita sila tatao-nono'in-nala. Nita, ala tu'u-tapa heni sila ha'da-tatao mangalaun-nala so. Boema Ana dodoo nasafali nakeketun-na, de Ana ta da'di huku fas.

YUNUS 4:10

Boema Manetualain nafa'dan nae, “Aiana ndia, ana moli ka'da nai le'odaek esa mesak-kana, ma ana male nai fai manamaik-ka; o ta makamomolik ma makaboboin makandondook fa. Leomae leondiak boe, o dale ma he'dis-sa, nanahu ana male.

MATEOS 18:33

Ade o dale ma ta kasian neu o nonoom ndia, sama leo au kasian neu o fa?’

ULANGAN 1:39

Boema Manetualain nafa'da ita basa-basa-tala nae, ‘Emi anam fo bei anak-kala nanseli, de ala beita mete lalelak, beek-ka nde malole ma beek-ka nde mangalauk-ka, ni'iana fo tunga emi nafa'dam-ma mae, neukose emi musum-mala loso lalas-sa, neukose Au fe dae ndia neu emi anam sila dei, ma neukose, emi anam sila nde langatuu-la dae ndia.