YUNUS 3:8 - Susula Malalaok Hehelu Palak Ma Hehelu Beuk

⁸ Hataholi la ma bana-manu muse pake si'di kalong. Fo da'dileo ta'du-tana nasasale dalek, basa hataholi-la muse hule-haladoi te'e-te'e neu Manetualain. Sila muse tao matalolole sila ha'da tatao mangalaun-nala, ma sila ha'da-tataon fo henuk no sala-singok-ka.

YUNUS 3:8 Σταυροειδείς Αναφορές

AYUB 16:17

Tehu, au ta tao naseti-nalakak fa; de au hule-haladoi, no dale ndoos neu Manetualain.

AYUB 36:10

Manetualain nadenus, fo lamanene Ndia hala nasanene'dan-na, ma ala tu'u-tapa heni, sila tatao-nono'i mangalaun-na.

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 25:5

Ala ladenu emi la'o ela emi ha'da-tataom fo mangalauk-ka, ma emi tatao-nono'im fo masala-masingok-ka, fo ela emi hapu leo mahele nai nusak fo nanafek neme Manetualain neu emi bei-ba'i kai manamatem-mala ma neu emi da'di leo hata pusaka.

YEREMIA 26:3

Fafa'kama leoina ndia nau namanene boema ala hahae tao mangalauk soona, Au pe'da tatak Au dudu'ang-nga soaneu akatoto'a-akatatak sila nanda no sila tatao-nono'in fo mangalauk-ka.”

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

YOEL 1:14

Paleta basa hataholi-lala'en-na, fo ala oka aon-nala, po'a-bengas, nakabubua matuaina! Ka'i basa mauli-malangan-nala ma lasi-lasik-kala boema basa Yehuda laun-nala lala'en-na, fo daenga ala mai leo Manetualain Uman mai, fo laloo beebou loke tutulu-fafalik neun.

YUNUS 1:14

Hu ndia de, laloo neu Manetualain lae, “Ou Manetualain, ami dokodoe, fo ami boso mopo-mate, nanahu ami taomisa hataholi fo, ta nasala ami fa. Ou Manetualain, O tao basa hata fo O mahiik-kana so.”

YUNUS 1:6

Nai lelek ofak ndia manaho'u ulin-na kona leo ofak-ka teioen dale neu boema, nita Yunus nai ndia, te ana bei sungu. Boema nae, “Hapu nai bee, o bisa sungu nai ani sangu leo ia-ka! Wei, fo'a! Fo hule-haladoi neu o lamatua daebafam-ma, fo moke tutulu-fafalik. See bubuluk, fafa'kama dalen-na tu'da neu ita, fo ita ta mopo-mate fa.”

MATEOS 3:8

Matu'dun nai emi tatao-nono'i ma dalek mae, emi tukatei-saledale meme emi sala-singo mala mai so.

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”