YUNUS 1:9 - Susula Malalaok Hehelu Palak Ma Hehelu Beuk

⁹ Yunus nataa nae, “Au hataholi Ibrani. Au sene-do'ok neu Manetualain. Manetualain manai nusa so'dak fo manamakadada'dik tasi ma dae ma'dak-ka.”

YUNUS 1:9 Σταυροειδείς Αναφορές

KEJADIAN 1:10

Manetualain foi dae manama'dak ndia, na'de “Dae ma'dak”, ma Ana foi oe makabubuak ndia, na'de “Tasi”. De Manetualain nita manada'dik ndia, boema namahoko.

KEJADIAN 14:13

Tehu hataholi esa, hapu naladeak, de nafa'da basa manada'dik neu Abram, fo hataholi Ibrani ndia. Abram leo deka no ai manituk-la, fo Mamre, hataholi Amori esa, mamana makaluku-makatelen-na. Mamre no tolanoon-nala, fo nde Eskol ma Aner fo Abram tia-lai malolen hataholi sila-la.

KEJADIAN 24:7

Manetualain, fo manakoasa lalai-a, no basa au eme au amang uman mai, ma neme au tolanoo ka'a-fa'ding-ngala mai, ma Ana soo-supa basa au, nae neukose Ana fe nusak ia neu au tititi-nonosing. Ndia boeo, neukose nadenu ata nusa so'dan-na, fo ana tulu-fali o, fo ela o hapu matongo moo saoinak esa nai naa, soaneu au anang-nga.

KEJADIAN 39:14

Ana naloo malalau-maoono nala de nafa'da nae, “So'ba mete mitak! Hataholi Ibrani fo au saong-nga non leo uma ia mai, nakamumulu-nakamamaek ita. Ana masok leo au kamang dale neu de nau hohonge no au, tehu au nggasi apane'e.

2RAJA-RAJA 17:25

Nai lelek, ala leo makasososa lai ndia, ala ta fe ha'da-holomata neu Manetualain fa; hu ndia de, Manetualain fe meoasu-la mai, fo ala kaa-la, sila hataholin-nala seli.

2RAJA-RAJA 17:28

Boema ladenu falik iman Israel esa, fo imam dia nanafoo basak neme Samaria leo Asyur neu, de ana leo nai Betel. Nai naa, nanoli laun-na tao leo beek, fo muse sene-do'ok neu Manetualain.

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 5:11

Boema lataa lae, ‘Ami ia, Manetualain manakoasa lalai ma daebafak-ka, atan. Besak ia, ami mafofo'a falik Manetualain Uman, fo Israel mane matua-mademan esa, napadedeik-kana, de ana sadia-na, basa hata-heton lala'en-na lamadai, ndek teu-teuk makahulun eli.

NEHEMIA 1:4

Au amanene halak ndia boema, au angatuuk de au kii. Tunga faik, au daleng-nga he'dis-sa. Au okaaong akandoo, boema hule-haladoi neu Manetualain ae,

NEHEMIA 2:4

Boema manek-ka natane nae, “Da'di, o mahiik beek?” Au hule-haladoi nai au daleng dale neu Manetualain manakoasa nai nusa so'dak-ka,

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

AYUB 1:9

Tehu, nitu nataa nae, “Tao leo bee-o, Ayub sene-do'ok neu O, nana ana sipo baba'ek.

MAZMUR 136:26

Moke makasi neu Manetualain, fo manakoasa lalai-a; susue-lalain manaketu-basa tak, losa dodoon-na.

KELUARAN 1:15

Basa boema, manek Masir-ra fe paleta neu Sifra ma Pua, fo nai lelek inak Ibrani-la, ala bongi soona, inak ka duak sila-la nde lakabobongik-kasa.

KELUARAN 2:13

Balahaa boema, Musa neu seluk, boema nita hataholi Ibrani dua lahote. Musa natane hataholi masalak ndia nae, “Tao le'e de, o fepa o nonoom-ma?”

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

HATAHOLI 27:23

Nana Manetualain fo au sene-do'o ka, fo nde Manetualain mana manuu au a, le'odae ka nadenu atan esa mai,

FILIPI 3:5

Au nanasunat nai lelek fo au faik falu. Au ina amang hataholi Israel, fo ala da'di leme leo Benyamin a mai: au ia, hataholi Ibrani isi-isik. Metema tao tunga agama Yahudi a hoholo-lalanen soona, Au ia partei Farisi fo au muse tao atetu hoholo-lalanek sila la.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

NINITAK 16:11

Boema ala supa-soo Manetualain nai nusa so'da ka, nanahu lame'da he'dis hu ka nde bisungguma nala. Tehu ala ta nau tukatei-saledale boen neme tatao-nono'i managalau nala mai fa.