YUNUS 1:6 - Susula Malalaok Hehelu Palak Ma Hehelu Beuk

⁶ Nai lelek ofak ndia manaho'u ulin-na kona leo ofak-ka teioen dale neu boema, nita Yunus nai ndia, te ana bei sungu. Boema nae, “Hapu nai bee, o bisa sungu nai ani sangu leo ia-ka! Wei, fo'a! Fo hule-haladoi neu o lamatua daebafam-ma, fo moke tutulu-fafalik. See bubuluk, fafa'kama dalen-na tu'da neu ita, fo ita ta mopo-mate fa.”

YUNUS 1:6 Σταυροειδείς Αναφορές

2 SEMUEL 12:22

Boema, Dauk nataa nae, “Hei, memak nai lelek ni'iana ndia bei naso'da, au oka aong, ma au kii-makaleleun, nana au dodoo ae: Fafa'kama, Manetualain Manakoasa, neukose dalen-na tu'da kasian neu au, fo Ana fe ni'iana ndia naso'da.

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

MAZMUR 107:6

Nai sila susan-na dalek, ala laloo bou-bou neu Manetualain, de Ana soi-po'is, leme makase'ek-ka dalek mai.

MAZMUR 78:34

Metema, Manetualain taonisa, hataholi de'ubee nai sila dalek soona, fe'ek-kala lasasale dale, fo ala fali ma'is leo Manetualain mai.

YESAYA 3:15

Tao le'e de, emi tuni-ndeni Au anang-ngala, ma emi lumu-ese hataholi nuu-taa hata-taak-ka? Au, Manetualain Fo Mademaina, ma Manakoasa, nde manakokolak-ka.”

YESKIAL 18:2

“Tao le'e de, ala kokolak dede'a bini-a nakandoo, nai nusa Israel-la? ‘Ina-amak, la'a angol makeis, tehu anak-kala, nisin-nala nde makeis-sa.’

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

YUNUS 3:8

Hataholi la ma bana-manu muse pake si'di kalong. Fo da'dileo ta'du-tana nasasale dalek, basa hataholi-la muse hule-haladoi te'e-te'e neu Manetualain. Sila muse tao matalolole sila ha'da tatao mangalaun-nala, ma sila ha'da-tataon fo henuk no sala-singok-ka.

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

HATAHOLI 21:13

Tehu Paulus nae, “Sosoak hata tolanoo kala kii leoiak, de nalosa emi tao ma au dale nga nakalulutuk? Au sadia basa, ta ka'da soaneu ala ho'u au nai naa fa, te au sadia basa soaneu au mate hu ka nde Lamatuak Yesus.”

ROMA 13:11

Fe'ek neme ndia mai, emi bubuluk mae, faik ia nde bee na faik soaneu emi fo'a meme emi susungu ma dalek mai. Nana fai na losa soaneu ita nanasoi-tefa ka, besak ia ana deka neme lelek fo besa ka ita mulai tamahele a.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”