YOSUA 7:1 - Susula Malalaok Hehelu Palak Ma Hehelu Beuk

¹ Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:1 Σταυροειδείς Αναφορές

KEJADIAN 34:27

Basa nado'do-napauk ndia boema, Yakob ana fe'en-nala, leu kae kota ndia, da'dineu ala balas sila nape'da dalen-nala nanahu ala tao langgenggeo sila fa'din-na na'den-na.

2 SEMUEL 24:1

Manetualain namanasa seluk Israel, boema Ana fufu'di-oodok Dauk no dudu'ak, fo ela neni toto'a-sosotak fe leoina ndia. Manetualain nafa'dan nae, “Leke hataholi Israel-la ma hataholi Yehuda-la dede'un-nala.”

2RAJA-RAJA 5:24

Lelek, ala losa pupukuk fo, Elisa mamana leleon-na boema, Gehazi ho'i-na doik, ma bua-lo'a papakek sila-la leme Naaman ata ka dua-nala mai, de basa boema, ana pe'das leo uma dale neu. Boema, nadenu ata ka duak sila-la, fali leona,

1 TAWARIKH 21:7

Manetualain ta hii sulak laun nala dede'un na ndia fa, de Ana huku hataholi Israel-la.

2TAWARIKH 24:18

Boema laun-na ta sene-do'ok nai Manetualain Uman, fo sila bei-ba'i kain Manetualain-na so'on, tehu ala sene-do'ok neu sosongo-tatangok ma lamatua daebafa Inak Asyera dodoki-dudulan. Sila sala-singon ndia taon-na Manetualain namanasa Yehuda ma Yerusalem.

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

AYUB 35:8

O sala-singom, ka'da tao nakatutu'dak o nonoo hataholim-ma. Ndia boeo, nde hapu nanalak neme o malolem-ma mai.

PENGKHOTBAH 9:18

Manatee-tenok-ka masosoa-ndandaak lena neme tafa-sisilo mai, tehu tauk titik esa tao nalutu kapaoe ullek esa.

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

IMAMAT 10:6

Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

YUNUS 1:7

Yunus ma manaho'u uli ndia kae lala lain boema, ofak ndia ofa isin-nala esa kokolak no esa nae, “Mai fo ata tu'u batu, fo ela ata bubuluk, see kande nasala, nalosa ita hapu soe ia!” Ala tu'u batu boema, la'e Yunus na'den-na.

YOSUA 22:16

Boema no Manetualain, anan-nala lala'en-na na'den-na, lafa'da hataholi maneme leo Ruben, Gad ma leo Manasye sila lae, “Tao le'e de, emi tao dede'a mangalauk ia, soeneu Israel Manetualain-na? Hu kande, emi mesam-ma mafofo'a aom emi mei tunu-hotum-ma, de emi la'ban Manetualain! Emi ta tunga paletan-nala so'on!

YOSUA 22:18

Ma besak ia, emi nau masadea seluk Manetualain do? Metema, faik ia emi la'ban Manetualain soona balahaa te, neukose namanasa hataholi Israel-la lala'en-na.

YOSUA 22:20

Mafandele, Akhan fo Zerah anan-na, ana ta nau tunga Manetualain paletan la'eneu bua-lo'as fo muse tao nakalulutuk-kasa, de mate'en-na beek da'di? Hataholi Israel-la lala'en-na nanahukuk. Fo masala-masingok-ka ka'da Akhan dei, tehu manamatek-ka, ta ka'da ndia mesak-kana fa!”