YOSUA 24:17 - Susula Malalaok Hehelu Palak Ma Hehelu Beuk

¹⁷ Manetualain fo ita Manetualain-na, nde soi-po'i ita bei-ba'i kain-nala, ma ita neme ata nai Masir. Ita tita basa, Manetualain tao manada'di beuk-kala so. Manetualain nasulu-nahapa ita tataas esa, nai ita leleo-lala'on-na dalek, tunga nusa dea-la.

YOSUA 24:17 Σταυροειδείς Αναφορές

KELUARAN 19:4

nae, “Emi mita basa hata fo Au tao-no'in neu hataholi Masir-ra, ma tao leo beek de Au oo emi leo Au mai, nai mamanak ia no koasa matuaina, sama leo manupui kaka'ka no anan-na nai li'dan lain.

YESAYA 46:4

Emi Manetualaim Au nahele, losa emi mamalasi; ma Au anea ahele emi losa emi langam-ma mofa. Au akadada'dik emi, de Au akaboboi ahele emi, neukose Au tulu-fali ma soi-tefa emi.

YOSUA 24:16

Boema hataholi Israel sila-la lataa lae, “Neukose ami ta la'oela Manetualain makadondook, fo ami mamahele neu lamatua daebafak-kala fa!

YOSUA 24:18

Ma lelek ita masok nusak ia, Manetualain usi heni basa hataholi Amori manaleo nai ia-la. Da'di, ami nau makaluku-makatele neu Manetualain nana Ndia nde ita Manetualain-na!”

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

ULANGAN 29:2

Musa nadenu basa hataholi Israel-la fo, ala lakabubua, boema nafa'das nae, “Emi mita matam, hata fo Manetualain taon soaneu mane Masir-ra, no basa manapaletan manai nusak ndia lala'en-na so.

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

2TAWARIKH 13:10

Ami mamahele mahele neu ami Manetualain ma ami ta la'oela fan. Ami imam-imam-mala nde Harun tititi-nonosin-nala nahele, ma hataholi Lewi-la tulu-fali laheles.