YOSUA 2:9 - Susula Malalaok Hehelu Palak Ma Hehelu Beuk

⁹ de nafa'das nae, “Au bubuluk, Manetualain fe basa emi nusak ia so. Basa hataholi manai ia-la, ala bii emi.

YOSUA 2:9 Σταυροειδείς Αναφορές

KEJADIAN 35:5

Nai lelek Yakob no teidale-bobongin-nala la'o boema, Manetualain fe bibii-namata'uk-ka poti na laun manai kota-kota boboa-kaisun-nala, nalosa ala ta usi tunga Yakob no hataholin-nala fa.

2 SEMUEL 17:10

Soona, leomae hataholi palani ta'ti batu, ma hataholi ao makadelek sama leo singa boeo, tao leo bee-o, neukose ana bii boe. Nana basa hataholi Israel-la, ala bubuluk lae Ama Manek aman ndia nde been-na, palani ta'ti batu, ma lae solda'dun-nala nde been-na, matee-mata'ti palani-la.

2RAJA-RAJA 5:15

Boema, no basa ana manatunga dean-nala, fali le'us leo Elisa leu. Boema, Naaman nafa'da Elisa nae, “Besak ia au bubuluk ae nai basa daebafak-ka lala'en-na, hapu ka'da Manetualain esa, fo nde Manetualain, fo hataholi Israel-la sene-do'ok-ka. Hu ndia de, sa'di been-na, Tuan sipo au fe Tuan buas ia-la.”

2RAJA-RAJA 7:6

Nana, Manetualain tao-na hataholi Siria-la, lamanene maliik-ka, sama leo solda'du manasa'e ndala, ma manasa'e kaleta bubuaina esa, ala mai sapu. Hataholi Siria sila-la, laedaenga, mane Israel-la, se'ba basa mane Het-ta, ma mane Masir-ra loo solda'dun-nala, fo ala mai sapu-la sila.

NEHEMIA 6:16

Lelek ami musu-musum manai leoina titia-tataik sila-la lamanene dede'ak ndia boema, ala bii mopo na'den-nala, nana basa hataholi-la bubuluk lae bela-ba'uk ndia nanataok nenik Manetualain tutulu-fafalin.

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

AYUB 19:25

Au bubuluk, ae au Manamasala'eng-nga nai nusa so'dak-ka; mate'en-na, neukose Ana mai tulu-fali au.

MAZMUR 112:10

Hataholi mangalauk-kala litan boema, lamanasa; ala hengu nisin-nala, nanahu ta lahiik lo fan. Boema mopo-mates; mopo sila namahehenan-na losa dodoon-na.

MAZMUR 115:16

Manetualain nanuu ka'da lalai, tehu Ana fe daebafak-ka, leo hataholi daebafak-ka neu.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

KELUARAN 23:27

Emi meu leo leoina-la meu-a, neukose Au tao-alas ala bii-lamata'u neu Au; neukose Au tao-alas matan-nala kelupuak; neukose basa emi musum-mala ala lepos fali, fo lalai.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESAYA 23:5

Nakalenak, hataholi Masir-rala boe, neukose ala nggenge ma lakalupu, metema lamanene lae Tirus nanatao nakalulutuk so.

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

NAHUM 2:10

Niniwe lutu-lutu so, ana da'di mamana nees ma na'u-aiana, ta moli nai ndia so'on. Hu kande, bibii-namata'uk-ka de laun-na dalen-nala makasufu. Lungulangak-ka nakamate ma dele ngge'be-ngge'be. Basa hataholi-la mata panan-nala befula.

BILANGAN 20:14

Basa boema, Musa nadenu hataholi-la leme Kades, fo leu leo Mane Edom-ma leu. Lafa'da manek-ka lae, “Ami meme leo-leo Israel-la mai, fo bei daak esa moo Tuan. Fafa'kama Tuan bubuluk susa fo manatuni-ndeni nala ami-a so.

BILANGAN 20:24

“Neukose Harun ta masok leo nusak fo, Au helu basa, fen neu leoina Israel-la fa; neukose maten, nanahu emi dua la'ban basa Au paletang-nga, neme deka no oemata Meriba so.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

ULANGAN 11:25

Neukose, emi Manetualaim-ma, taon-na basa hataholi manai nusak ndia lala'en-na, ala bii-lamata'u neu emi, sama leo Ana helu basak-ka, nalosa ta hapu hataholi esa boen, napalani kena-ka'i emi fa.

ULANGAN 2:25

Neme faik ia, neukose Au tao-a leoina fo manaleo su'di lai bee boe, ala bii-lamata'u neu emi. Metema lamanene emi na'dem-ma soona, ala dele-bengge'be, nana bibii-namata'uk-ka.’ ”

ULANGAN 28:10

Soona basa leoina manai daebafak-ka, neukose lita lae emi nde been-na, Manetualain leoina hehelen, de neukose ala hia-penge emi.

ULANGAN 32:8

Lelek Fo Matua-mademaina, Ana baba'e dae-a, naketu leoina esan-na, nok ndia daen-na no lamatua daebafak esa da'di leo manakoasa.

IBRANI 11:31

Hu ka nde namahehele ka boe, de Rahab fo ina manasosoa-piaok ndia, ala ta taolisan sama-sama no hataholi mana la'ban Manetualai na fa, nana ana sipok Israel mata-mata nala no mangana'uk.

YOSUA 2:11

Ami mamanene tutuik ndia tu'tik-ka ami bii manseli. Ami hataholim-mala, mopo palanin-nala, nanahu emi. ManetualainManakoasa, fo emi Manetualaim-ma, tete'ek-ka, Manetualain Fo Manakoasa nai lalai ma daebafak-ka.

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

YOSUA 2:8

Le'odaek ndia, Israel hataholi manamakuk ka duak sila-la beita sungu fa te, Rahab neu leo uma hunuk lain neu,

YOSUA 5:1

Basa mane Amori manai Lee Yarden-na boboan muli, ma basa mane Kanaan manai Tasi Tala'dak-ka su'un-na, lamanene lae Manetualain Manakoasa, tao nama'da lee Yarden-na, nai lelek hataholi Israel-la lena lee ndia. Boema ala bii ma ala dele bengge'be, nanahu hataholi Israel-la.

YOSUA 6:2

Manetualain nafa'da Yosua nae, “Besak ia, Au fe o, kota Yerikho no manen-nala, ma solda'du palanin sila-la.

YOSUA 9:10

ma la'eneu hata fo Ana taon soaneu Amori mane ka duan manai Yarden boboan dulu, fo nde: Sihon, mane Hesybon, ma Og, mane Basan, fo ala leo lai Asytarot.

YOSUA 9:24

Boema lataa lae, “Ami tao leondiak, nanahu ami mamanene lae Manetualain, fo Tuan-tuan-nala sene-do'ok ndia, nadenu basa Musa fo atan ndia, fe nusak ia lala'en-na neu Tuan, ma nai lelek Tuan ho'i-na dae ia soona, Tuan taonisa la'iesak laun-na. Ami bii manseli, boso nalosak ami nanataonisak, hu ndia de, ami tao basa dede'ak ia-la.

YOSUA 9:9

Boema lataa lae, “Ami meme nusak-ka, doon-na seli. Tuan, hu kande ami mamanene la'eneu Manetualain Manetualain fo Tuan-tuan-nala sene-do'ok-ka. Ami mamanene la'eneu basa hata fo Ana taon neme Masir,

HAKIM-HAKIM 7:14

Boema, nonoon ndia nataa nae, “Wah, loti ndia, tao leo bee-o, Gideon, fo Yoas hataholi Israel ndia, anan-na, tafainan-na. Sosoan-na nae, Manetualain fen ana sengi hataholi Midian-nala, ma basa ita solda'dun-nala lala'en-na so!”