YOSUA 2:3 - Susula Malalaok Hehelu Palak Ma Hehelu Beuk

³ Boema manek-ka nadenu hataholi neu leo Rahab neu, fo nanduku-nalosak paleta nde ia nae, “Kalua heni hataholi manasungu nai o umam ndia. Hataholi sila nde been-na, hataholi manamakuk, de ala mai palisak lutu-lutuk basa dae Yerikho lala'en-na!”

YOSUA 2:3 Σταυροειδείς Αναφορές

KEJADIAN 38:24

Fafa'kama basa bulak telu boema, Yehuda hapu halak lae Tamar fo manafeu na da'di manasosoa-piaok ma nailu so. Boema Yehuda fe paletan-na, “Meu malan fo hotumisan!”

KEJADIAN 42:31

Ami mataa mae, ‘Ami hataholi malole, te ta mata-mata fa, ami hataholi fo tunga ka'da ndoon-na.

2 SEMUEL 10:3

Lelek ala losa Amon boema, nusak ndia, mauli-malangan-nala lafa'da Hanun lae, “Ama Manek boso dodoo-dudu'a mae Dauk nadenu hataholi sila-la ala mai, hu ka nde ana nau fe ha'da-holomata neu Ama Manek aman! Te nadenu hataholi sila-la, ala mai leo ia mai, fo ala da'di manamakuk soaneu ala palisak lutu-lutuk nusak ia, fo ela bisa nangatuu-nan.”

2 SEMUEL 17:20

Absalom nadenu hataholi-la leu leo uma ndia leu, de latane inak na'kasa ndia lae, “Ahimaas no Yonatan lai bee?” Boema inak ndia nataa nae, “Besak-ka, ala lena leo lee selik leu.” Ala sanga touana ka duak sila-la, tehu ala ta hapu fas, boema ala fali le'us leo Yerusalem leu.

1 TAWARIKH 19:3

basa mauli-malangan nusak ndia lafa'da Manek Hanun na lae, “Ama Manek boso dodoo mae Dauk haitua hataholi nadedenun sila-la hu kande anan nau fe ha'da-holomata neu Ama Manek! Ana haitua hataholi nadedenuk sila-la leo ia mai, da'di leo mata-mata soaneu ala palisak matalolole ita nusan na, fo ela ala hapu loso lan!”

AYUB 21:30

Lafa'da lae, “Nai faik fo Manetualain fe huhukuk-ka, basa hataholi manatao tatao-nono'i mangalauk-kala, neukose nanasoi-tefak.”

IMAMAT 24:14

“Moo hataholi ndia leo mamana ofuk-ka deak neu. Basa hataholi fo lamanenen ana soo-supa, muse ala lalaa liman-nala neu hataholi ndia langan lain, fo ala sakasii, lae hataholi ndia nasala. Soona basa hataholi-la tapan nenik batu, losa maten.

YOHANIS 19:4

Basa ndia boema, Pilatus fali seluk leo deak neu, de nafa'da hataholi makadotok sila la nae, “Mete dei! Te au on leo deak mai, fo au fen leo emi ne'i, fo ela emi bubuluk te au ta hapu hataholi ia salan esa boen.”

HATAHOLI 12:4

Ala ho'u la Petrus boema, ala taon leo bui dale neu. Ala fe solda'du bubuak ha lanea Petrus nai bui dale bubuak esa soona, solda'du ha. Feta Paskah basa boema, besa ka Herodes palisak Petrus dede'a na nai lea matan.

HATAHOLI 12:6

Sanga balahaa fo Herodes palisak Petrus dede'a na nai lea matan boema, le'odaek ndia Petrus sungu no nanapa'ak ninik namosina dua nai solda'du mana manea dua tala'da. Solda'du mana manea fe'e kala boeo, bei lanea lahele nai uma bui lelesu nala.

YOSUA 10:23

Boema ala soi heni leak ndia, de ala loso mane Yerusalem, Hebron, Yarmut, Lakhis, ma Eglon leo deak mai,

YOSUA 2:2

Kota Yerikho manen-na namanene lae, nai le'odaek ndia, hataholi Israel-la mai palisak lutu-lutuk dae Yerikho-a.

YOSUA 2:4

Boema Rahab nataa nae, “Memak, hataholi mai leo au umang mai, tehu au ta bubuluk leme bee mai fa. Na'kasa ala la'o so, nai lelek le'do-a mulai tenak, fo ndia te, beita kena kota lelesuinan-na fa. Ma au ta atanes, ala leo bee leu fa, tehu emi usis no lai-laik soona, fafa'kama bei hapus.” (Te se'kona, Rahab nafuni basa hataholi manamakuk ka duak sila-la, nai uma hunuk lain, nai ha'deaik bubuak esa dalek so.)

HAKIM-HAKIM 4:20

Boema, Sisera nafa'da Yael nae, “Muu fo mapadeik muu lalaa temak-ka, lelesun-na, matan-na. Metema hataholi mai, fo natane o, ade hapu hataholi nai ia do ta, soona mae ta.”