YOSUA 13:5 - Susula Malalaok Hehelu Palak Ma Hehelu Beuk

⁵ basa boema, leoina Gebal-la nusan-na, ma nusa Libanon-na lala'en-na, leo boboak dulu neu, fo neme Baal-Gat nai Lete Hermon-na boboan kona, fo nakandoo leo enok manaleo Hamat neu.

YOSUA 13:5 Σταυροειδείς Αναφορές

1RAJA-RAJA 5:18

Basa Salomo hataholi manatao-no'in ma Hiram hataholi manatao-no'in boema hataholi fo leme Gebal mai a, ala sadia batu ma ai soaneu lafofo'a Manetualain Uman ndia. Tutui na leondiak.

1RAJA-RAJA 8:65

Nai Manetualain Uman ndia, Salomo ma basa laun Israel-la lala'en-na, tao feta Lalaak Akidook-ka faik hitu dalen-na. Hataholi makadotok nanseli lakabubua lai ndia. Ala mai leme nusa dook-ka mai fo mulai neme Eno Hamat ta, fo nai kii, losa leo dae too loo Masir-ra, fo nai kona.

MAZMUR 83:7

leoina Edom ma Ismael, hataholi Moab-pala ma Hagar;

YESAYA 10:9

Au loso-a kota Kalno, ma kota Karkemis, kota Hamat ma kota Arpad-ta. Au loso-a kota Samaria, ma kota Damsyik-ka boe.

YEREMIA 52:9

Boema loo manek Zedekia leo manek Nebukadnezar nai kota Ribla fo dae Hamat-ta, de ala latu'da huhukuk mamates ba'eneun.

YESKIAL 27:9

Tuka ai manatao-no'i manai ofak lain-na nde been-na, tuka ai-la leme Gebal mai. Ofak-kala, ala mai leme nusa-nusak lala'en-na mai, fo ala sanga dangan loo o.

AMOS 6:2

Meu leona, fo mete nai Kalne, boema la'ok makandoo leo kota Hamat fo matuaina ndia, basa soona, meu leo kota Gat fo nai Filistin. Emi maedaenga, kota sila-la malole lena neme nusa Yehuda ma Israel mai do? Ade sila nusan-na ta ba'u lena emi nusam-ma fa do?

BILANGAN 13:21

Boema, hataholi sila la'ok leo kii leu, de ala palisak matalolole nusak ndia, mulai neme moo solokaek Zin-na, nai boboak kona, fo leo kii neu, losa kota Rehob-pa, fo deka no enok manaleo Hamat neu-a.

BILANGAN 34:8

neme ndia mai fo ana leo Enok Hamat-ta neu, fo nakandoo leo Zedad neu,

ULANGAN 1:7

Besak ia, ofeheni emi lalaa ofum-mala leona, fo meu leo hataholi Amori-la dae letelepan-na, ma nai basa dae manai titia-tatain-nala, fo nde Bafak Yarden-na, dae mapupukuk-kala, ma dae matetuk-kala, dae manai kona ma Tasi Tala'dak-ka su'un kona. Meu leona, fo mangatuu-ma, dae Kanaan-na, ma Letelepak Libanon-na losa Leeina Efrat-ta.

ULANGAN 3:25

Fe au loak fo au lena Lee Yarden-na, ou Manetualain, fo au ita nusa maoe-maisik-ka nai selik eli, dae letelepak fo malole-mana'a, ma Letelepak Libanon-na.

YOSUA 11:17

Nusak ndia loan-na, mulai neme Letelepak Na'u tak-ka, nai boboak kona, deka no Edom, losa leo kii neu, fo Baal-Gad nai Bafak Libanon-na nai Lete Hermon-na boboan kona. Yosua natee-nata'ti no nusak sila manen-nala, doon-na seli, tehu mate'en-na boema, ana ho'un-nalas de ana taonisa la'iesa kasa.

YOSUA 11:3

Boeo, nadenu hataholi neu leo hataholi Kanaan-nala, nai boboak muli ma Yarden boboan dulu, neu hataholi Amori, Het, Feris, ma hataholi Yebus-sala, lai nggolo letelepak-kala, boema hataholi Hewi-la lai Lete Hermon-na huun-na, nai nusa Mizpa.

YOSUA 12:7

Yosua sama-sama no hataholi Israel-la sengi manek-kala nde, basa mane-manek manai nusak manai Lee Yarden-na boboan muli, fo neme Baal-Gad nai Bafak Libanon-na, losa leo Letelepa Na'u tak-ka, nai boboan kona, deka Edom. Yosua baba'e nusak ndia neu leoina Israel-la leon-nala, fo da'di sila dae pusakan.