YOSUA 13:13 - Susula Malalaok Hehelu Palak Ma Hehelu Beuk

¹³ Tehu, hataholi Israel-la, ta usiheni laun Gesur ma Maakha-la fa; ala bei leo lahele nai Israel.

YOSUA 13:13 Σταυροειδείς Αναφορές

KEJADIAN 35:22

Lelek ala bei lai mamanak ndia, Ruben sungu no Bilha, fo ama sao makahatun-na. Yakob namanene dede'ak ndia boema, namanasa nanseli. Yakob ana toun sanahulu dua.

2 SEMUEL 10:6

Basa boema, hataholi Amon-nala, lame'da lae sila tatao-nono'in ndia, tao-na Dauk musu no sila. Hu ndia de, ala se'ba solda'du Siria fo manaleo nai Bet-Rehob ma Zoba, lifun duahulu, ma solda'du Tob lifun sanahulu dua boe, boema nusa Maakha manen-na, no solda'dun lifun esa.

2 SEMUEL 3:3

Kileab. Inan nde Abigail, fo Nabal manamatek-ka saon-na, neme Karmel mai. Absalom. Inan nde Maakha, fo Mane Talmai neme Gesur mai, anafe'on-na.

BILANGAN 33:55

Tehu metema, emi ta usi heni nusak ndia laun-nala fa soona, hataholi manaleo lahele manai sila-la, neukose ala tao susa emi, sama leo solokaek-ka nai emi matam-ma, do nggauk-ka nai emi eim-ma. Mahani te, sila nde latee-latati loo emi-a.

ULANGAN 3:14

Yair, fo neme leo Manasye mai, ana ho'in-na nusa Argob-pa lala'en-na fo nde: neme Basan losa Gesur no Maakha dae toon-na. Ana foi nggolok sila-la na'den-na tunga ndia na'den-na, de losa besak ia, hataholi-la loken soona, lae nggolok Yair.)

YOSUA 12:5

Nusa paletan-na, neni Lete Hermon, Salkha, ma Basan lala'en-na, losa leo nusa Gesur ma Maakha; boeo neni nusa Gilead-ta seli, losa leo Mane Sihon-na nusa paletan-na nai kota Hesybon-na.

YOSUA 13:11

Nusa Gilead-ta nai dalek boe, nusa-nusak manai Gesur ma Maakha titia-tatain-nala, boema Lete Hermon-na lala'en-na, ma nusa Basan lala'en-na losa leo Salkha neu.

YOSUA 13:12

Sila nusan-na boeo, neni Mane Og, fo hataholi Refaim mate'ek fo ana paleta neme Asytarot ma Edrei. Musa sengi basa leoina sila-la, de ana usis, fo ala kalua leme sila nusan-na mai.

YOSUA 13:14

Leo Lewi-a, ana ta sipo dae baba'ek neme Musa mai fa, nana Manetualain nafa'da basa Musa nae, leo Lewi-a baba'en-na nde been-na, neme tutunu-hohotuk fo nanatunuk nai mei tunu-hotuk-ka, soaneu Manetualain, fo Israel Manetualain-na.

SEMUEL SUSULAK-KA ESAN-NA 27:8

Nai tepo-lelek ndia, Dauk no solda'dun-nala nasi'a ala sapu-la hataholi Gesur-ra, hataholi Girzi-la ma hataholi Amalek-kala; hataholi sila-la, leo dook-ka nai nusak ndia so. Ana sapu-na dae ndia, losa Sur, de nakandoo leo Masir neu.