YOSUA 1:9 - Susula Malalaok Hehelu Palak Ma Hehelu Beuk

⁹ Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

YOSUA 1:9 Σταυροειδείς Αναφορές

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

KEJADIAN 39:2

Manetualain tulu-fali Yusuf, nalosa ana hapu buna-boak tataasesa nai ue-le'din na dalek. Ana leo nai Tuan na, fo hataholi Masir ndia uman.

KEJADIAN 39:3

Tuan na nita nae Manetualain tulu-fali Yusuf, de hu ndia de Yusuf hapu buna-boa malole nai basa hata lala'en fo ana tao-no'in.

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

2TAWARIKH 15:7

Tehu emi muse matetea-mahehele dalem-mala ma mapalani. Emi ue-osam neukose neni buna-boak.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YESAYA 8:12

“Boso mafa'da mae, nakabua makahatuk beek fo sila lafa'da lae, nakabua makahatuk, ma boso bii-mamata'u neu hata fo sila bii-lamata'u neun.

DANIAL 10:19

Nafa'da nae, “Manetualain sue-lai o, hu ndia de, dalem-ma boso susa do bii mamata'u, ayo, da'di balakaik leona!” Lelek nafa'da dede'ak ndia boema, au ame'da au mabe'i-balakaik seluk so, de au afa'da ae, “Kokolak leona Tuan. Tuan popo-tama au be'i-balakaing so.”

HAGAI 2:4

Tehu, boso ketu namahehena mala, hai emi basa-basam-mala lemin! Tao-no'i makandoo bela-ba'uk ndia, nana neukose Au tulu-fali ahele emi.

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

HATAHOLI 4:19

Tehu Petrus no Yohanis lataa lae, “Du'a-dodoo matam, bee ka nde malole nai Manetualain mata na: tunga Tua nala paleta na do tunga Manetualain paleta na.

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 31:23

Basa boema, Manetualain nafa'da Yesua, fo Nun anan-na nae, “Yesua, ela leo been-na, matetea-mahehele o dalem-ma, ma mapalani! Te neukose, o mauli-malanga leoina Israel-la, masok leo nusak fo, Au helu basa, fen leo sila neu, fo neukose Au tulu-falis.”

ULANGAN 31:28

Besak ia, madenu basa mauli-malangan leoinak-kala, ma basa malanga solda'du matuaina-la, fo lakabubua mai au matang ia, fo ela au afa'das dede'ak-kala nde ia. Au aloo lalai-a no daebafak-ka, da'di leo sakasii soaneu sila.

YOSUA 1:10

Boema Yosua paleta hataholi Israel-la mauli-malangan-nala,

YOSUA 1:17

Neukose ami tunga o, sama-na leo, ami boeo tunga Musa tataas esa. Sa'di leo been-na, emi Manetualaim-ma, nai o boboam-ma, sama leo nai Musa boboan-na!

YOSUA 1:18

Basa hataholi, fo ana ta nau nakatele neu o koasam-ma, do ana ta nau tunga o paletam-ma fa soona, neukose nanahukunisak. Ela leo been-na, o mamahele, ma mapalani!”

YOSUA 10:25

Basa ndia boema Yosua nafa'da malanga solda'du matuainan-nala nae, “Dalem-mala boso ba'ihana ma bii. Ela leo been-na, emi mamahele ma mapalani, nana neukose, Manetualain tao emi musum-mala, enon-na leoiak.”

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 3:7

Manetualain nafa'da Yosua nae, “Mulai faik ia, neukose Au tao o da'di hataholi matua, nalosa basa hataholi Israel-la lala'en-na, fe ha'da-holomata neu o, ma ala lame'da, lae Au nai o boboam-ma, sama leo Au nai Musa boboan-na.

YOSUA 6:27

Manetualain nok Yosua, de Yosua na'den-na, nananita-nalelak nai basa nusak ndia lala'en-na.

YOSUA 8:1

Manetualain nafa'da Yosua nae, “Makabubua basa o solda'dum-mala, fo la'ok mos leo Ai meu. Dalem-mala boso ba'ihana ma boso bii! Neukose Au fe emi sengi mane Ai-a. Neukose, o loso-ma laun-na, kotan-na, ma nusan-na.

HAKIM-HAKIM 6:14

Basa boema, Manetualain fe paleta ia neu Gideon nae, “No basa o be'i-balakaim lala'en-na, muu soi-po'i hataholi Israel-la, leme hataholi Midian-nala koasan-na mai. Au nde adenu o.”

SEMUEL SUSULAK-KA ESAN-NA 10:7

Metema, basa sila-la da'di soona, tao su'di beek fo o dodoo-nana malole, nanahu Manetualain no o.