YOHANIS 9:8 - Susula Malalaok Hehelu Palak Ma Hehelu Beuk

⁸ Uma titia-tatai nala lo hataholi fo makahulu na litan ana da'di hataholi mananoke-nokek nai ka'da eno kala su'u na litan boema bekola lae, “Ade hataholi ia ta nde hataholi fo mandoo fai a, nangatuuk nai eno kala su'u na, fo ka'da noke su'di bee ka, nde ia hetu do?”

YOHANIS 9:8 Σταυροειδείς Αναφορές

MARKUS 10:46

Yesus no ana mana tunga nala losa Yerikho de basa boema ala la'oela kota ndia, sama-sama lo hataholi makadotok. Ndia te hataholi pokek esa nangatuuk nai enok fo ala tunga ndia su'u na, fo noke su'di bee ka neme hataholi manala'ok tunga ndia. Hataholi ndia na'de Bartimeus, fo Timeus anan ndia.

LUKAS 1:58

Uma titia-tatai nala, ma tolanook-ka'a fa'di nala, lamanene Manetualain malole nanseli no Elisabet, de sila boeo lamahoko-setelee lon.

LUKAS 18:35

Lelek Yesus ma hataholi fo manatunga nana sanga nae losa nai Yerikho, te hataholi pokek esa bei nangatuuk fo noke-noke nai eno ka su'u na.

YOHANIS 9:9

Boema nggelok lae, “Nde ndia so.” Tehu nggelok bai soona lae, “Ta, mata na ka'da nahope no hataholi ndia.” Tehu hataholi fo besa ka ana hapu nita ndia, nafa'da aon nae, “Au nde ndia so.”

RUT SUSULAN-NA 1:19

Boema ala la'ok lakandoo, de ala losa Betlehem. Nai lelek ala losa naa, tutik-ka basa hataholi manai kota ndia lala'en-na, ala nggenge-la. Basa inak manai naa-la, lafa'da lae, “Tete'ek-ka, Naomi nde ndia do?”

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

SEMUEL SUSULAK-KA ESAN-NA 21:11

Akhis hataholi mana'a ngga'din-nala lafa'dan lae leo ia, “Ade Dauk, fo manek nai nusan-na, nde ia hetu? Ma, ade ta soaneu ndia fa de, lelek ndia, basa inak-kala foti-longe ma lakamee lae leo ia, ‘Saul taonisa musu lifu-lifuk-kala, tehu Dauk taonisa kefi-kefin hetu?’ ”