YOHANIS 9:22 - Susula Malalaok Hehelu Palak Ma Hehelu Beuk

²² Hataholi ndia ina aman lafa'da lae leondia, nanahu ala bii lasi-lasi Yahudi la. Hu ka nde basa malanga Yahudi la lalahalak basa lae, metema see manaku Yesus da'dileo Mane Mana Fe So'da ka soona, ta bole neu leo uma mamasok dale neu so'on.

YOHANIS 9:22 Σταυροειδείς Αναφορές

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

YESAYA 57:11

Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

YOHANIS 1:19

Basa manakoasa Yahudi manai Yerusalem-mala, ladenu ima mala lo Lewi hataholi nala, leu leo Yohanis leu, fo latanen lae, “O ia see?”

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

YOHANIS 19:38

Basa ndia boema, Yusuf neme Arimatea mai, neu noke Pilatus fo ana fen loak soaneu neu ho'i na Yesus popola na. (Yusuf nde bee na, Yesus ana manatungan ndia, tehu ana tunga no nafufunik, nana ana bii manakoasa Yahudi la.) Pilatus fen loak, boema neu ho'i na Yesus popola na.

YOHANIS 20:19

Bei nai mamasok ndia dalen-na boe, tehu la'e le'odaek, boema Yesus ana manatunga nala lakabubua leme uma esa dalek, de ala nggoelisa basa lelesu la, nana ala bii manakoasa Yahudi la. Tehu nggenge te Yesus mai de napadeik nai basa-basas tala'da, boema nafa'das nae, “So'da-molek ba'eneu emi.”

YOHANIS 7:13

Tehu ta hapu hataholi napalani kokolak mangale'dok no fan, nanahu ala bii manakoasa Yahudi la.

YOHANIS 9:18

Tehu basa lasi-lasi Yahudi sila la ta nau lamahele, makahulu na tete'e ka hataholi ndia pokek, tehu besak ia nita so. Hu ndia de, lalo hataholi ndia ina aman,

YOHANIS 9:21

Tehu da'di tao leo beek de besak ia ana hapu nita soona, ami ta bubuluk dede'ak ndia fa. Boema see ka nde tao nan ana hapu nita boeo, ami ta bubuluk fa. Ka'da matane matam te touinak so, de de'i fo nataa aon.”

YOHANIS 9:34

Boema lae, “O mae le'e? Ala bongi o no sala-singok, tehu o sanga manoli ami bai?” Mulai neme faik ndia mai, ala ta nau hataholi ndia neu leo uma mamasok dale neu so'on.

YOHANIS 9:35

Yesus namanene lae, ala ta nau sipo hataholi ndia, neu leo uma mamasok dale neu so'on boema, Ana sanga hataholi ndia de nafa'dan nae, “Ade o mamahele Ana Hataholi ka do ta?”

HATAHOLI 4:18

Boema lalo falik duas leo dalek leu de lafa'das lae, emi ta bole seseik do manoli minik Yesus na'de na makandondook so'on.

HATAHOLI 5:13

Ma hataholi dea kala esa boeo ta napalani neu nakabubua no hataholi kamahehelek sila la fa. Tehu lau nala fe ha'da-holomata mangalalau neu hataholi kamahehelek sila la.

HATAHOLI 5:40

Boema lalo hataholi nadedenuk sila la de ala filu kasa, basa boema ala kena-ka'is, fo boso boe lanoli la'eneu Yesus bai. Basa ndia boema, besa ka ala po'is.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”